2021 جىلدىڭ 12 قازانىندا پاريج قالاسىنىڭ سوتى «Tasyapi Insaat Taahhut San. ve Ticaret A.S.» (تاشياپى) كومپانياسىنىڭ ارىزى بويىنشا ىستە قازاقستان رەسپۋبليكاسىنىڭ پايداسىنا شەشىم شىعاردى, دەپ حابارلايدى Egemen.kz ادىلەت مينيسترلىگىنىڭ ءباسپاسوز قىزمەتىنە سىلتەمە جاساپ.
جابىرلەنۋشى سوتتان بۇدان بۇرىن شىققان تورەلىك شەشىمنىڭ كۇشىن جويۋدى تالاپ ەتتى. تورەلىك شەشىمگە سايكەس تاشياپى قازاقستاننىڭ پايداسىنا 6,7 ميلليارد تەڭگە تولەۋ قاجەت.
قازاقستان رەسپۋبليكاسى پاريج سوتىنا تاشياپىنىڭ تالاپ-ارىزى نەگىزسىز ەكەنىن دالەلدەدى. سونىمەن قاتار, سوت تاشياپىنى قازاقستاننىڭ 30 000 ەۋرو كولەمىندە كەتكەن سوت شىعىندارىن وتەۋگە مىندەتتەدى.
اۆتوموبيل جولدارى كوميتەتىنىڭ تاشياپى اراسىنداعى «اقتوبە - ماقات» جولىنا قۇرىلىس جۇرگىزۋ تۋرالى كەلىسىمشارتتىق قاتىناستار – اتالمىش تورەلىك داۋدىڭ ءمانى بولدى. تالاپ-ارىز سوماسى 6,5 ملن اقش دوللارىن قۇراعان. 2019 جىلدىڭ 3 جەلتوقسانىندا سينگاپۋردەگى حالىقارالىق تورەلىك ورتالىعىنىڭ تورەلىك سوتى تاشياپىنىڭ تالاپ-ارىزدارىن قابىلداماي, قازاقستاننىڭ قارسى تالاپتارىن قاناعاتتاندىرعان ەدى. تورەلىك سوتتىڭ ورنى دا پاريج قالاسى بولعان.
وسى ءىس بويىنشا مەملەكەتتىڭ مۇددەلەرىن قورعاۋدى قازاقستان رەسپۋبليكاسىنىڭ ادىلەت مينيسترلىگى جۇزەگە اسىردى. كونسۋلتانت رەتىندە «Curtis, Mallet-Prevost, Colt & Mosle LLP» زاڭ فيرماسى جالدانعان.