قر اۋىل شارۋاشىلىعى مينيسترلىگى اۋعانستانعا قازاقستاندىق استىق پەن ۇندى وتكىزۋ سالاسىنداعى وزەكتى جاعدايعا قاتىستى رەسمي اقپارات جاريالادى, دەپ حابارلايدى Egemen.kz.
جىل سايىن قازاقستان الەمنىڭ ءتۇرلى ەلدەرىنە ەكسپورتقا 7-8 ملن توننا استىق پەن ۇن جىبەرەدى. بۇل رەتتە اۋعانستان قازاقستاندىق بيداي مەن ۇندى وتكىزۋدىڭ باستى جانە ءداستۇرلى نارىقتارىنىڭ ءبىرى بولىپ قالا بەرەدى. 2020 جىلى بۇل ەلگە قر-دا وندىرىلگەن استىق ەكۆيۆالەنتىندەگى ەكى ملن توننادان استام استىق پەن ۇن جونەلتىلدى.
QazTrade دەرەكتەرى بويىنشا, قازاقستان رەسپۋبليكاسىنىڭ اۋماعىندا جۇمىس ىستەيتىن 300 ۇن ەكسپورتتاۋشىنىڭ 183-ءى وزگە دە, اۋعان نارىعىمەن دە ءوزارا ءىس-قيمىل جاساۋدا. تاعى 49 جۇك تەك اۋعانستانعا جونەلتىلەدى. ەكسپورتتاۋشىلاردا جولعا قويىلعان كولىك دالىزدەرى مەن جاڭا بيلىك كەزىندە دە جۇمىسىن جالعاستىرىپ كەلە جاتقان بيزنەس-بايلانىستار بار.
اۋعانستانداعى ساياسي احۋالدىڭ وزگەرۋى بارلىق ارىپتەس ەلدەرمەن, ونىڭ ىشىندە قازاقستانمەن ساۋدا وپەراتسيالارىنىڭ توقتاتىلا تۇرۋىنا اكەلدى. ءبىراز ۋاقىت بويى بانكارالىق ترانزاكتسيالار مەن تەمىرجول ۆاگوندارىن جەتكىزۋ مۇمكىن بولمادى, ويتكەنى يەلەرى ولاردىڭ قاۋىپسىزدىگى مەن قايتارىلۋىنان قورىقتى. الايدا, قازىرگى ۋاقىتتا پروبلەمالار شەشىلدى: ترانزاكتسيالار ءۇشىنشى ەلدەردىڭ بانكتەرى ارقىلى جۇزەگە اسىرىلادى, ۆاگونداردى بەرۋ قالپىنا كەلتىرىلدى.
قىركۇيەك پەن قازان ايىنىڭ باسىندا قازاقستاننان اۋعانستانعا 60,2 مىڭ توننا ۇن جانە 15,6 مىڭ توننا استىق جونەلتىلدى. كەيىننەن جەتكىزۋ قارقىنى ارتاتىن بولادى.
ەكسپورتقا شەكتەۋلەر ەنگىزۋ تابيعي جاعدايلارعا بايلانىستى وتكەن جىلمەن سالىستىرعاندا تومەن ءونىم العان فەرمەرلەردىڭ قارجىلىق جاعدايىنا اسەر ەتەتىندىگىن اتاپ وتكەن ءجون.
سونىمەن قاتار, اگرارشىلار ونىمدىلىكتى ارتتىرۋ بويىنشا جۇمىستى كۇشەيتۋى قاجەت. بۇل اۋىسپالى ەگىستى ساقتاۋ, تىڭايتقىشتاردى ەنگىزۋ كولەمىن ارتتىرۋ جانە زاماناۋي تەحنولوگيالاردى ەنگىزۋ. ءتيىستى قولداۋ شارالارى 2021-2025 جىلدارعا ارنالعان اوك دامىتۋ جونىندەگى ۇكىمەت جاقىندا ماقۇلداعان ۇلتتىق جوبادا كوزدەلگەن.