بۇگىن ەكولوگيا, گەولوگيا جانە تابيعي رەسۋرستار ءمينيسترى س. برەكەشەۆ قىرعىز رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى داستان ديۋشەكەەۆپەن كەزدەستى, دەپ جازادى Egemen.kz.
كەزدەسۋدە تاراپتار سۋ شارۋاشىلىعى سالاسىنداعى ىنتىماقتاستىق ماسەلەسىن تالقىلادى. سەرىكقالي برەكەشەۆ بۇل باعىتتا ەكى ەل اراسىنداعى تۇسىنىستىك ارقاسىندا وڭ ناتيجەگە قول جەتكىزۋ مۇمكىن بولعانىن اتاپ ءوتتى.
«بيىل شۋ جانە تالاس وزەندەرىنىڭ باسسەيندەرىندەگى سۋدىڭ ازدىعىنا قاراماستان, قىرعىز ارىپتەستەرىمىزبەن بىرلەسكەن ءىس-قيمىلداردىڭ ارقاسىندا ۆەگەتاتسيالىق كەزەڭدى ۇلكەن شىعىنسىز اياقتاي الدىق», دەدى مينيستر.
سونداي-اق تاراپتار جانۋارالار الەمى, ورمان تاقىرىبىندا دا پىكىر الماستى. داستان ديۋشەكەەۆ قاراقۇيرىق پوپۋلياتسياسىنا قاتىستى جانە شەكارا ماڭى اۋماقتارىنداعى ءورت تاقىرىبىن كوتەردى. الداعى ۋاقىتتا بۇل ماسەلەنى تولىق تالقىلاپ, ەكى جاقتى وڭ شەشىمگە قول جەتكىزىلەتىنىنە سەنىم ءبىلدىردى.