الماتى وبلىسىنىڭ قاپشاعاي قالاسىندا كولىك اپاتىنان ءبىر ادام مەرت بولدى. تاعى التى ادام زارداپ شەكتى, دەپ حابارلايدى Egemen.kz.
وقيعا ورنىندا تۇسىرىلگەن ۆيدەو الەۋمەتتىك جەلىدە تارادى. «كاپشاعاي تراسساسىندا جول اپاتى, كازينو ماڭى», دەلىنگەن جازبادا.
الماتى وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وقيعا «الماتى-وسكەمەن» تاسجولىنداعى قاپشاعاي قالاسىندا تىركەلگەن.
الدىن الا مالىمەتتەرگە سۇيەنسەك, 6 قازان كۇنى ساعات 17:00 شاماسىندا «Kia Cerato» كولىگىنىڭ 21 جاستاعى جۇرگىزۋشىسى رۋلگە يە بولا الماي قالىپ, الدىندا كەلە جاتقان «گازەل» كولىگىنە سوعىلعان.
«سالدارىنان 6 ادام زارداپ شەكتى. ولار قاپشاعاي قالاسىنداعى اۋرۋحاناعا ءتۇستى. زارداپ شەككەن 27 جاستاعى ەر ادام جانساقتاۋ بولىمىندە كوز جۇمدى. قازىر اتالعان فاكتى بويىنشا قر قك-ءنىڭ 345-بابى 3-بولىگىنە سايكەس تەرگەۋ باستالدى», دەلىنگەن ۆەدومستۆو حابارلاماسىندا.