داعدارىسقا دايارلىق دىتتەگەندەي مە؟

پرەمەر-مينيستر كارىم ءماسىموۆ ۇكىمەت جانىنداعى ەكونوميكالىق كونسۋلتانتتار كەڭەسىنىڭ كەزەكتى وتىرىسىن وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. وتىرىستا قوعامدىق پروبلە­مالاردى تالداۋ ورتالىعى ءازىر­لەگەن “مەملەكەتتىك داعدارىسقا قارسى شارالاردى تالداۋ جانە باعالاۋ – ەكونوميكالىق ساياسات ءۇشىن اسەرلەرى” دەگەن تاقى­رىپتاعى بايانداما تالقىلاندى. اتالمىش باياندامادا جاھاندىق داعدارىستىڭ قازاقستان ەكو­نو­ميكاسىنا ىقپالىنىڭ نەگىزگى فاكتورلارى مەن دەڭگەيلەرى كورىنىس تاۋىپ, ەل ەكونوميكاسىن قولداۋدا مەملەكەت قابىلداعان داعدارىسقا قارسى شارالاردىڭ تيىمدىلىگىنە باعا بەرىلدى. قوعامدىق پروبلەمالاردى تالداۋ ورتالىعىنىڭ ديرەكتورى مەرۋەرت ماحمۋتوۆا اتاپ كور­سەتكەندەي, الەمدىك ەكونوميكا ءوسۋىنىڭ تۇراقتىلىعى مەن ۇزاق­تىعى بەلگىسىزدىكتەرمەن سيپات­تالادى جانە داعدارىستىڭ قايتا­لا­نۋ قاتەرى ءالى دە ساقتالىپ وتىر. وسىعان بايلانىستى ساراپ­شىلار قىسقا جانە ورتا مەرزىمدى ەكونوميكالىق ساياساتقا تۇزەتۋلەر جاساۋ جونىنەن ۇسىنىستار ەنگىزدى. باياندامانى تالقىلاۋعا ەكو­نوميكا عىلىمدارىنىڭ دوكتورى ارىستان ەسەنتۇگەلوۆ, “اتامە­كەن” وداعى توراعاسىنىڭ ءبىرىنشى ورىنباسارى ەكاتەرينا نيكي­تينس­كايا, “تۇران” ۋنيۆەرسيتەتى­نىڭ رەكتورى, ەكونوميكا عىلىم­دارىنىڭ دوكتورى راحمان الشا­نوۆ, “ترويكا ديالوگ كازاحستان” ديرەكتورلار كەڭەسىنىڭ توراعاسى اسقار ەلەمەسوۆ, ءNatىonal ءBusى­ness جۋرنالىنىڭ باس رەداكتورى ارمان يدريسوۆ, ەڭبەك جانە حالىقتى الەۋمەتتىك قورعاۋ ءمينيسترى گۇلشارا ابدىقالىقوۆا, قارجى ءمينيسترى بولات ءجامى­شەۆ, ەكونوميكالىق دامۋ جانە ساۋدا مينيسترلىگىنىڭ جاۋاپتى حاتشىسى دينا شاجەنوۆا, قۇ­رىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنىڭ توراعاسى سەرىك نوكين جانە باسقالار قاتىستى.