ۇكىمەت وتىرىسىندا قر ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ 9 جاڭا سۋ قويماسىن سالۋ قانداي ناتيجە بەرەتىنىن ايتتى, دەپ حابارلايدى Egemen.kz.
«الداعى 5 جىلدا 1,7 تەكشە كيلومەتر كولەمىندە سۋدى شوعىرلاندىرۋ ءۇشىن 9 جاڭا سۋ قويماسىن سالۋ جوسپارلانعان. بۇل 14 ەلدى مەكەنگە (70 مىڭ ادام) سۋ تاسقىنى قاۋپىن ازايتۋعا, 195,3 مىڭ گەكتاردا جاڭا سۋارمالى جەرلەردى اينالىمعا ەنگىزۋگە, اۋىل شارۋاشىلىعىندا 20 مىڭنان استام جۇمىس ورنىن قۇرۋعا مۇمكىندىك بەرەدى», دەدى س. برەكەشەۆ.
ونىڭ ايتۋىنشا, الدىن الا ەسەپتەۋلەرگە سايكەس, 9 جاڭا سۋ قويماسىن سالۋدىڭ جالپى قۇنى 59,4 ميلليارد تەڭگەنى قۇرايدى. ونىڭ ىشىندە 11,3 ملرد تەنگەسى 2022-2024 جىلدارعا ارنالعان رەسپۋبليكالىق بيۋدجەتتەن قولداۋ تاپتى. جوبالاۋ-سمەتالىق قۇجاتتامانى ازىرلەۋدى اياقتاۋ ءۇشىن قوسىمشا 700 ميلليون تەڭگە, سونىمەن قاتار قۇرىلىس-مونتاجداۋ جۇمىستارىنا 2025-ءشى جىلعا دەيىن 47,4 ملرد تەڭگە قاجەت.
«وسى جوبالاردى ىسكە اسىرۋ ناتيجەسىندە كورشى ەلدەرگە سۋ تاۋەلدىلىگىن تومەندەتۋگە اكەلەدى», دەدى مينيستر.