قر اقپارات جانە قوعامدىق دامۋ ۆيتسە-ءمينيسترى اسقار ۋماروۆ «NEET» ساناتىنداعى جاستارمەن, اسىرەسە وڭىرلىك دەڭگەيدە ادىسنامالىق قامتاماسىز ەتۋ جانە جۇمىس الگوريتمدەرىن قالىپتاستىرۋ ماسەلەلەرىن تالقىلاۋ بويىنشا كەڭەس وتكىزدى, دەپ حابارلايدى Egemen.kz.
اسقار ۋماروۆ «NEET» ساناتىنداعى جاستار سانىن ازايتۋ جونىندەگى قىزمەت «Nur Otan» پارتياسىنىڭ سايلاۋالدى باعدارلاماسىنىڭ جانە ونى ىسكە اسىرۋ جونىندەگى جول كارتاسىنىڭ 71-تارماعىندا بەكىتىلگەن باسىم مىندەتتەرىنىڭ ءبىرى ەكەنىن اتاپ ءوتتى.
ايتا كەتەيىك, اقپارات جانە قوعامدىق دامۋ مينيسترلىگى «جاستار» عىلىمي-زەرتتەۋ ورتالىعىمەن جانە جەرگىلىكتى اتقارۋشى ورگاندارمەن بىرلەسىپ «NEET» ساناتىنداعى جاستارمەن جۇمىس مەحانيزمدەرىن ازىرلەۋ بويىنشا جۇمىس جۇرگىزۋدە.
وسىلايشا, ىشكى قايتا ءبولۋ ەسەبىنەن جاستار رەسۋرستىق ورتالىقتارىندا اتاۋلى جۇمىس بويىنشا ارنايى بولىمدەر قۇرىلادى, جاستاردىڭ وڭىرلىك بازاسى قالىپتاسادى جانە جاڭا بىلىكتىلىك الۋعا, وقۋدى جالعاستىرۋعا نەمەسە جۇمىسقا ورنالاسۋعا مۇمكىندىك بەرەتىن جاس ازاماتتاردى الەۋمەتتەندىرۋ باعدارلاماسى دايىندالادى.
بۇدان باسقا, مەملەكەتتىك جاستار ساياساتى تۋرالى زاڭ جوباسى شەڭبەرىندە «NEET ساناتىنداعى جاستار» ۇعىمىن زاڭنامالىق تۇردە بەكىتۋ جوسپارلانۋدا.
كەڭەسكە قر ستراتەگيالىق جوسپارلاۋ جانە رەفورمالار جونىندەگى اگەنتتىگىنىڭ ۇلتتىق ستاتيستيكا بيۋروسىنىڭ, قر ەڭبەك جانە حالىقتى الەۋمەتتىك قورعاۋ مينيسترلىگىنىڭ, «جاستار» عىلىمي-زەرتتەۋ ورتالىعىنىڭ, «NEET» ساناتىنداعى جاستارمەن جۇمىس جونىندەگى رەسپۋبليكالىق جوبالاۋ كەڭسەسىنىڭ جانە ساراپشىلار قاۋىمداستىعىنىڭ وكىلدەرى قاتىستى.
تالقىلاۋ قورىتىندىسى بويىنشا اتالمىش ساناتتى مەملەكەتتىك قولداۋ شارالارىمەن قامتاماسىز ماقساتىندا «NEET» ساناتىنداعى جاستاردى ەسەپتەۋ ادىستەمەسىن وزەكتەندىرۋ ماسەلەسىن تاعى دا قوسىمشا قاراۋ تۋرالى شەشىم قابىلداندى.