بارلىق ويىندا جەڭىسكە جەتىپ, الەمدىك دوداعا جولداما الدىق

جارىستى قازاقستاننىڭ ورەندەرى جاقسى باستادى. قۇرامىندا كيريلل گەراسيمەنكو, الان قۇرمانعاليەۆ, ايدوس كەنجەعۇلوۆ, يريسبەك ارتۋكمەتوۆ سىندى سايىپقىراندارى بار جەرلەستەرمىز يراكتىڭ ويىنشىلارىن 3:0 ەسەبىمەن ويسىراتا ۇتتى. ىلە-شالا مالديۆ ارالدارىنان ايلاسىن اسىردى – 3:1. ودان كەيىن يوردانيانىڭ تاس-تالقانىن شىعاردى – 3:0.

ەلىمىزدىڭ ايەلدەر قۇراماسى بانگلادەش جانە شري-لانكامەن شەبەرلىك بايقاستى. بۇل باسەكەلەردە قازاق ەلى نامىسىن سارۆينوز ميركاديروۆا, اناستاسيا لاۆروۆا, زاۋرەش اقاشەۆا جانە انەل باقىت قورعادى. ەكى كەزدەسۋدە دە جەرلەستەرىمىزدىڭ ۇستەمدىگى ەش كۇمان تۋعىزعان جوق – 3:0. سوڭعى ويىندا يراندىقتاردان مەرەيىمىز ۇستەم بولدى – 3:1.

وسى جەڭىستەرىنىڭ ارقاسىندا جەرلەستەرىمىز جارىستىڭ ەكىنشى كەزەڭىنە شىعىپ قانا قويماي, الەم چەمپيوناتىنىڭ جولداماسىنا يەلىك ەتتى.