قۋاتىن ارتتىرۋدا

كاسىپورىن 2005 جىلى ازوت-تۇك زاۋىتىنىڭ م ۇلىكتىك كەشەنى نەگىزىندە قۇرىلعان بولاتىن. بۇگىندە مۇندا 1 267 قىزمەتكەر جۇمىس ىستەيدى. زاۋىت جىلىنا 200 مىڭ توننا اممياك, 360 مىڭ توننا ازوت قىشقىلى جانە اممياك سەليتراسىن, سونداي-اق 916 ملن تەكشە مەتر گاز وندىرەدى.

اممياك سەليتراسى اۋىل شا­رۋا­شىلىعى تاۋار وندىرۋ­شى­لەرى مەن تاۋ-كەن, اتوم, مەتاللۋر­گيا ونەركاسىبى كاسىپورىندارى ارا­سىندا ۇلكەن سۇرانىسقا يە. ماڭ­عىستاۋ وڭىرىندەگى ءىرى ەكسپورتتاۋ­شى سانالاتىن كومپانيانىڭ ونىم­دەرى رەسەي, ۋكراينا, وزبەك­ستان, قىرعىزستان, گرۋزيا جانە ازەر­­بايجانعا ەكسپورتتالادى. وت­­كەن جىلى «قازازوت» ىشكى نا­رىق­­تىڭ 45 پايىزىن (252 مىڭ توننا اممياك سەليتراسى) قامتىعان.

بيىل كاسىپورىن سۇيىق اممياكتى تاسىمالداۋعا ارنالعان 30 ۆاگون-تسيستەرنانى ساتىپ الۋ جانە پايدالانۋ جوباسىن ىسكە قوستى. ءاربىر ۆاگون-تسيستەرنا 56 توننا جۇكتى كوتەرەدى. جوبانىڭ قۇنى – 711 ملن تەڭگە.

اممياك – حيميا ونەركاسى­بىندەگى ماڭىزدى ونىمدەردىڭ ءبىرى. بۇل مينەرالدى تىڭايتقىشتار مەن قۇرامىندا ازوت بار كوپتەگەن ونەركاسىپتىك زاتتار وندىرىسىندە شيكىزات رەتىندە قولدانىلادى.

«قازازوت» كومپانياسى باس ديرەكتورىنىڭ ەكونوميكا جانە قارجى جونىندەگى ورىنباسارى ايجان بالاباتىروۆانىڭ ايتۋىنشا, بيىل كومپانيا 360 مىڭ توننا اممياك سەليتراسىن شىعارۋدى كوزدەپ وتىر. كەلەر جىلعى جوسپار – ءوندىرىس قۋاتىن 400 مىڭ تونناعا دەيىن ارتتىرۋ.

سونىمەن قاتار بۇل كومپانيا Qoldau.kz سايتىندا العاش­قىلاردىڭ ءبىرى بولىپ تىڭايت­قىشتاردى ونلاين ساتا باستادى. بۇگىندە «قازازوت» جاڭا تەحنولوگيالار قارقىندى تۇردە ەنگىزىلىپ جاتقان كاسىپورىنداردىڭ قاتارى­نا جاتادى. مۇندا ەسكىرگەن جاب­دىقتاردى جوسپارلى اۋىستىرۋ جۇمىستارى جۇرگىزىلۋدە. ەنەر­گەتيكالىق قاۋىپسىزدىكتى قامتا­ما­سىز ەتۋ ماقساتىندا كاسىپ­ورىن­دا گاز پورشەندى ەلەكتر ستان­ساسى سالىنعان.

2020 جىلى QazIndustry قازاق­ستاندىق يندۋستريا جانە ەكسپورت ورتالىعى يندۋستريا جانە ينفراقۇرىلىمدىق دامۋ مي­نيستر­لىگىنىڭ تەحنولوگيالىق پرو­تسەستەردى جەتىلدىرۋ جانە بىلىكتى شەتەلدىك جۇمىس كۇشىن تارتۋ شەڭ­بەرىندە ەڭبەك ونىمدىلىگىن ارت­تىرۋ جەلىسى بويىنشا كوم­پا­­نيا­نىڭ شامامەن 27 ملن تەڭ­گە­سىن وتەپ بەردى. بۇل سوما كاسىپ­ورىندى ودان ءارى دامىتۋعا جانە ونىڭ تۇراقتى دەڭگەيىن قولداۋعا باعىتتالعان.

ەستەرىڭىزگە سالا كەتەيىك, QazIndustry يندۋستريا جانە ينفرا­قۇرىلىمدىق دامۋ مي­نيستر­لىگىنىڭ جەلىسى بويىنشا ين­­دۋستريالاندىرۋ باعدار­لا­ماسى اياسىندا ەڭبەك ونىمدىلى­گىن ارتتىرۋعا بايلانىستى وڭدەۋ سالاسى كاسىپورىندارى شى­عىن­دارى­نىڭ ءبىر بولىگىن وتەي­دى. كاسىپ­ورىننىڭ قۇزىرەتتىلىگىن ارتتىرۋعا, تەحنولوگيالىق پرو­تسەس­تەردى جەتىلدىرۋمەن جانە ءون­دىرىستى ۇيىمداستىرۋ تيىم­دى­لىگىن ەسەلەۋگە بايلانىستى ين­دۋستريالىق-يننوۆاتسيالىق جو­بانىڭ كەشەندى جوسپارىن ازىر­لەۋگە, ساراپتاۋعا جۇمسالعان شى­­­عىنداردىڭ 40 پايىزعا دەيىنگى بولىگى وتەلەدى.