تارازداعى وڭىرلىك كوممۋنيكاتسيالار قىزمەتىندە جامبىل وبلىسىنىڭ اكىمى بەردىبەك ساپارباەۆتىڭ قاتىسۋىمەن بريفينگ ءوتتى, دەپ جازادى Egemen.kz.
ايماق باسشىسى 26 تامىزدا 28349 اسكەري ءبولىمىنىڭ اۋماعىندا بولعان ءورت پەن جارىلىستار كەزىندە 17 ازامات قازا تاپقانىن اتاپ ءوتتى. ءبىر ادام ءىز-ءتۇزسىز جوعالعان.
قازا بولعانداردىڭ ىشىندە توتەنشە جاعدايلار دەپارتامەنتىنىڭ قىزمەتكەرلەرى, پروكۋرورلار مەن اسكەري قىزمەتشىلەر بار. جاعداي سالدارىنان 176 وبەكتىگە زاقىم كەلگەن. 112 مەردىگەر قالپىنا كەلتىرۋ جۇمىستارىن باستادى, وعان 22 بىرلىك تەحنيكا مەن 187 جۇمىسشى تارتىلدى.
دەمەۋشىلەر ەسەبىنەن 4,8 ملن تەڭگە سوماسىنا 76 نىسان قالپىنا كەلتىرىلگەن.
«بايزاق ايماعىنداعى نىسانداردى قالپىنا كەلتىرۋ جۇمىستارىن 30 قازانعا دەيىن اياقتاۋ جوسپارلانۋدا», دەپ اتاپ ءوتتى بەردىبەك ساپارباەۆ.