پاۆلوداردا سپورت مەكتەبىندەگى بوكس زالىنىڭ توبەسى ورتاسىنا قۇلادى, دەپ حابارلايدى Egemen.kz.
وقيعا ورنىنان تۇسىرىلگەن كادرلار Instagram الەۋمەتتىك جەلىسىندە جاريالانعان.
«وقيعاعا دەيىن ءبىز توبەدەگى جارىقشاقتىڭ سەبەبىن قاراپ, بىلۋگە ءتيىستى مامانداردى شاقىردىق. توبە قۇلاعان كەزدە ىشىندە ۆاحتەرشىدەن باسقا ەشكىم بولعان جوق, سپورت عيماراتىنىڭ مەڭگەرۋشىسى جانە مەكتەپ ديرەكتورى بولعان جوق. زارداپ شەككەندەر جوق», دەدى تۋريزم جانە سپورتتى دامىتۋ باسقارماسى باسشىسىنىڭ ورىنباسارى نۇرلان ەسەمباەۆ.
عيمارات 1984 جىلى سالىندى, شاتىرى 2010 جىلى, ال قاسبەتى 2013 جىلى جوندەۋ جۇمىستارىنان وتكەن.
«بۇرىن عيماراتتا سپورتزالدىڭ ورنىنا اۆتوبازا بولعان. قايتا قۇرۋ جۇمىستارىنان كەيىن عيمارات 6-18 جاس ارالىعىنداعى بالالار جاتتىعاتىن بوكس زالىنا بەيىمدەلدى», دەلىنگەن حابارلامادا.