جامبىلدا جول اپاتىنان ەكى كىسى قازا تاپتى

«23 قىركۇيەك تۇنگى ساعات 23:15 شاماسىندا جۋالى اۋدانىنىڭ ب.مومىش ۇلى جانە قوشقاراتا تاس جولدارىنىڭ 24-شاقىرىمىندا Audi-80 جانە زيل-130 اۆتوكولىكتەرىنىڭ سوقتىعىستى. سالدارىنان اۆتوكولىكتەر ورتكە ورانىپ, Audi-80 اۆتوكولىگىنىڭ جۇرگىزۋشىسى مەن جولاۋشىسى وقيعا ورنىندا كوز جۇمدى», دەپ جازادى Polisia.kz.

زيل-130 اۆتوكولىگىنىڭ جۇرگىزۋشىسى مەن جولاۋشىسى ءتۇرلى جاراقاتتارمەن جۋالى اۋدانىنىڭ ورتالىق اۋرۋحاناسىنا جەتكىزىلگەن.

اتالعان دەرەككە قاتىستى قر قىلمىستىق كودەكسىنىڭ 345-بابى 4-بولىگى بويىنشا سوتقا دەيىنگى تەرگەۋ امالدارى باستالدى. جول-كولىك وقيعاسىنىڭ سەبەپتەرى انىقتالۋدا, بىرقاتار ساراپتامالار تاعايىندالدى.

قر قىلمىستىق ىستەر جونىندەگى كودەكستىڭ 201-بابى نەگىزىندە تەرگەۋ مۇددەسىندە ءىستىڭ ءمان-جايى جاريا ەتىلمەيدى.