اقتوبە وبلىسىندا جان تۇرشىگەرلىك جول اپاتى ورىن الدى, دەپ حابارلايدى Egemen.kz.
«22 قىركۇيەك, ساعات 15:30-دا شۇبارقۇدىق اۋىلىنان بايعانينعا قاراي جۇيتكىپ كەلە جاتقان Lada Granta اۆتوكولىگىنىڭ 57 جاستاعى جۇرگىزۋشىسى (بايعانين اۋدانىنىڭ تۇرعىنى) جولدىڭ قارسى بەتىنە شىعىپ, تىزگىنىندە 30 جاستاعى جۇرگىزۋشى بولعان ماز-712 اۆتوكولىگىمەن سوقتىعىسقان», دەپ مالىمدەدى اقتوبە وبلىسى پد ءباسپاسوز قىزمەتى.
جول-كولىك وقيعاسى سالدارىنان Lada Granta اۆتوكولىگىنىڭ جۇرگىزۋشىسى العان جاراقاتىنان وقيعا ورنىندا كوز جۇمدى.
بۇل دەرەككە سايكەس, قر قىلمىستىق كودەكسىنىڭ 345-بابى, 3-بولىگى, «ابايسىزدا كىسى ولىمىنە اكەلىپ سوقتىرعان جول ەرەجەسىن بۇزۋ» بويىنشا سوتقا دەيىنگى تەرگەۋ باستالدى.