قازاقستان سىرتقى ىستەر ءمينيسترىنىڭ ورىنباسارى ەرلان الىمباەۆ ەلىمىزدەگى ديپلوماتيالىق ميسسياسىنىڭ اياقتالۋىنا بايلانىستى ماجارستاننىڭ ەلشىسى ميحاي گالوشفايمەن كەزدەستى, دەپ حابارلايدى Egemen.kz.
ە.الىمباەۆ قازاق-ماجار ستراتەگيالىق ىنتىماقتاستىعىنىڭ قازىرگى احۋالى مەن كەلەشەگىنە جوعارى باعا بەرىپ, قازاقستان تاراپىنىڭ ونى ەكىجاقتى نەگىزدە دە, حالىقارالىق ارەنادا دا ودان ءارى نىعايتۋعا مۇددەلىلىگىن ءبىلدىردى.
ءمينيستردىڭ ورىنباسارى م.گالوشفايدىڭ ەكى ەل اراسىنداعى ساياسي, ساۋدا-ەكونوميكالىق جانە مادەني ىنتىماقتاستىقتى دامىتۋعا قوسقان ەلەۋلى ۇلەسىن اتاپ ءوتىپ, وعان قر ءسىم قۇرمەت گراموتاسىن تابىس ەتتى.
ءوز كەزەگىندە, ماجارستان ەلشىسى ەلىمىزدەگى ديپلوماتيالىق ميسسياسى بارىسىندا تۇراقتى قولداۋ كورسەتكەنى ءۇشىن قازاقستان ۇكىمەتىنە شىنايى ريزاشىلىعىن ءبىلدىردى.