دارىگەرلەر ماڭعىستاۋدا جول اپاتىنان زارداپ شەككەن بالالاردىڭ جاعدايى تۋرالى ايتتى, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, جول اپاتىنان زارداپ شەككەن ءبىر جارىم جاستاعى بالا جانساقتاۋ جانە قارقىندى تەراپيا بولىمىنە جاتقىزىلدى.
«دارىگەرلەر ميدىڭ جابىق جاراقاتىنا, وكسيپيتالدى سۇيەكتىڭ سىزىقتىق سىنۋىنا, سۋباراحنويدتى قان كەتۋگە دياگنوز قويدى, ساڭىراۋ كۇيى ساقتالۋدا. جاقسارۋ بايقالمايدى, جاعدايى اۋىر دەپ باعالانادى», دەپ ناقتىلادى ۆەدومستۆودان.
8 جاسار قىزدىڭ جاعدايى وتە اۋىر.
«ازىرگە ساناسىنا كەلگەن جوق. وكپەنى جاساندى جەلدەتۋ اپپاراتىنان العان. سونداي-اق, وعان ميدىڭ جابىق جاراقاتى, ميدىڭ گەمورراگيالىق كونتۋزياسى, فرونتالدى ايماقتىڭ كوگەرگەن جاراسى, پەرينەيانىڭ جىرتىلۋى, وڭ جاق كلاۆيكۋلانىڭ سىنۋى دياگنوزى قويىلعان», دەلىنگەن ءباسپاسوز حابارلاماسىندا.
قالعان 9 جانە 10 جاستاعى قىزدار تراۆماتولوگيا بولىمىنە جاتقىزىلدى.
جول اپاتى 16 قىركۇيەكتە قاراقيا اۋدانىنىڭ تاس جولىندا ورىن الدى. جانتۇرشىگەرلىك اپات سالدارىنان بەس ادام قازا تاۋىپ, ءتورت بالا اۋرۋحاناعا جەتكىزىلدى.