فرانتسيانىڭ مايەن دەپارتامەنتىندەگى شانجە كوممۋناسىندا 49 جولاۋشى, سونىڭ ىشىندە كوللەدج ستۋدەنتتەرى مىنگەن اۆتوبۋس جولدان شىعىپ كەتىپ, 20 ادام ءتۇرلى جاراقات الدى, دەپ جازادى Egemen.kz.
جەرگىلىكتى BFM تەلەارناسىنىڭ مالىمەتىنشە, دەپارتامەنتتىڭ پرەفەكتۋراسى جول اپاتىندا باسقا كولىك قۇرالدارى زاقىمدالماعانىن راستادى. اۆتوبۋس جولدىڭ شەتىندە اۋدارىلىپ قالعان.
اۆتوبۋس جۇرگىزۋشىسى وقيعا ورنىنا كەلگەن تەرگەۋشىلەرگە ءوزىن جامان سەزىنگەنىن ايتقان. پوليتسەيلەر ەكى زارداپ شەگۋشىنىڭ اۋىر حالدە جاتقانىن حابارلادى. قۇتقارۋشىلار ەكى جاراقاتتانۋشىنى لاۆال قالاسىنداعى گوسپيتالگە جەتكىزگەن.