قازاقستاننىڭ يوردانياداعى ەلشىسى ايداربەك تۇماتوۆ پالەستينا پرەزيدەنتى ماحمۋد ابباسقا قازاقستان رەسپۋبليكاسىنىڭ پالەستينا مەملەكەتىندەگى توتەنشە جانە وكىلەتتى ەلشىسى قىزمەتىن قوسا اتقارۋشى رەتىندە سەنىم گراموتالارىن تاپسىردى, دەپ حابارلايدى Egemen.kz.
ءراسىم ونلاين-فورماتتا ءوتتى. قازاقستاندىق ديپلومات پالەستينا باسشىسىنا مەملەكەت باسشىسى قاسىم-جومارت توقاەۆتىڭ ىزگى تىلەكتەرىن جەتكىزدى.
سونداي-اق ا.تۋماتوۆ ءوز سوزىندە قازاقستان باسشىلىعىنىڭ ەكى ەل اراسىنداعى قاتىناستاردى ودان ءارى جان-جاقتى نىعايتۋعا باعىتتالعان دايەكتى باعىتىن راستادى.
ءوز كەزەگىندە ماحۋمۋد ابباس ەلشى ا.تۋماتوۆتىڭ جاڭا قىزمەتىنە تابىس تىلەپ, ەلباسى نۇرسۇلتان نازارباەۆ پەن قر پرەزيدەنتى قاسىم-جومارت توقاەۆقا دوستىق سالەمىن جەتكىزدى. بوسنيا جانە گەرتسەگوۆينا, برۋنەي-دارۋسسالام, مالايزيا, بانگلادەش جانە يراك ەلشىلەرى پالەستينا پرەزيدەنتىنە سەنىم گراموتالارىن تاپسىردى.
قازاقستان رەسپۋبليكاسى مەن پالەستينا مەملەكەتى اراسىنداعى ديپلوماتيالىق قاتىناستار 1992 جىلى ورناتىلدى. قازاقستاننىڭ پالەستينامەن قارىم-قاتىناسىنا يوردان حاشيميت كورولدىگىندەگى ەلشىلىگى جەتەكشىلىك ەتەدى.