تايلاند 1 قازاننان باستاپ ۆاكتسينا سالدىرعان تۋريستەرگە ەسىگىن اشادى, دەپ جازادى Egemen.kz.
ۆاكتسيناتسيالانعان تۋريستەر تايلاند استاناسىنىڭ تاريحي كورىكتى جەرلەرىمەن تانىسا الادى.
15 قازاندا بانگكوك ساياحاتشىلار ءۇشىن اشىلادى. COVID-19 سەرتيفيكاتى بار قوناقتارعا 14 كۇندىك كارانتيننەن ءوتۋ قاجەت ەمەس. بۇل تۋرالى تايلاند تۋريزم جانە سپورت ءمينيسترى پحيپحات راتچاكيتپراكارن حابارلادى.
شەنەۋنىك 1 قازاننان باستاپ تاعى ءتورت تۋريستىك ايماق تولىق يممۋنداۋدان وتكەن تۋريستەردى قابىلداي باستايتىنىن ايتتى.
«بانگكوك اشىلۋعا دايىن. الايدا, ءبىز اشىق ايتۋىمىز كەرەك, قازىرگى ۋاقىتتا بانگكوكتا حالىقتىڭ ۆاكتسيناتسيالانۋ كورسەتكىشى 70%-عا جەتكەن جوق», دەدى راتچاكيتپراكارن.
سونىمەن قاتار تۋريزم ءمينيسترى بانگكوكتا يممۋنداۋ باعدارلاماسى ايتارلىقتاي قارقىنمەن ءجۇرىپ جاتقانىنا نازار اۋداردى.