الماتىدا تۇرعىنداردىڭ پاتەرلەرىن توناعان ۇرى كولعا ءتۇستى, دەپ حابارلايدى Egemen.kz.
كۇدىكتى الماتى وبلىسىنىڭ 30 جاستاعى تۇرعىنى بولىپ شىقتى.
«پوليتسياعا قالا تۇرعىندارىنان پاتەرلەرىنىڭ تونالعانى تۋرالى بىردەن بىرنەشە ارىز ءتۇستى. ۇرىلار نەگىزىنەن التىن بۇيىمدار مەن اقشا ۇرلاعان. پاتەرلەر تەك ءبىر تاسىلمەن جانە تەك كۇندىزگى ۋاقىتتا اشىلعان. ىزدەستىرۋ جۇمىستارى جۇرگىزىلدى. پاتەر ۇرلىعىن جاسادى دەگەن كۇدىكپەن بۇرىن بىرنەشە رەت سوتتالعان, ق ۇلىپتاردى اشاتىن قۇرالدارى بار ەر ادام ۇستالدى», دەدى الماتى قالاسى پوليتسيا دەپارتامەنتى كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
قازىرگى ۋاقىتتا كۇدىكتىنىڭ پاتەر ۇرلىعىنىڭ 4 وقيعاعا قاتىسى بار ەكەنى انىقتالىپ, ۋاقىتشا ۇستاۋ يزولياتورىنا قامالدى.
اتالعان فاكتىلەر بويىنشا قر قك 188-بابى (ۇرلىق) بويىنشا تەرگەۋ جۇرگىزىلۋدە.