ورالدا جەتىمدەردىڭ اقشاسى قولدى بولدى

باتىس قازاقستان وبلىسىنىڭ ورال قالاسىندا جەتىمدەردىڭ اقىسىن جەپ كەلگەن لاۋازىم يەسىنىڭ ارەكەتى اشكەرەلەندى. بۇل تۋرالى «قازاقستان» تەلەارناسى حابارلادى.

پروكۋرورلىق تەكسەرۋ بارىسىندا «قازپوشتا» اق قىزمەتكەرىنىڭ جەتىم بالالاردىڭ ەسەپ-شوتىنا قول سالعانى انىقتالدى. كۇدىكتى بىرنەشە بالالار ءۇيىنىڭ تاربيەلەنۋشىلەرىنە تيەسىلى اقشانى بەرمەگەن ەكەن. جالپى, ۇرلانعانى 12 ملن. تەڭگەدەن اسىپ تۇسەدى. وسىعان وراي, كۇدىكتى ايەلگە اسا ءىرى مولشەردە سەنىپ تاپسىرىلعان بوتەن م ۇلىكتى ۇرلادى دەگەن ايىپ تاعىلدى. «قازىرگى كەزدە اقشا ۇرلىعىنا قاتىستى قىلمىستىق ءىس وبلىستىق قارجى پوليتسياسى دەپارتامەنتىنە جولدانىپ, تەرگەۋ امالدارى جۇرگىزىلۋدە. ول اياقتالعاسىن, قانشا كىسىنىڭ وسى قىلمىسقا قاتىسى بارى ءمالىم بولادى», - دەيدى ورال قالاسىنىڭ پروكۋرورى ايدىن راشيدوۆ.

بۇعان دەيىن دە جەكەلەگەن وڭىرلەردە تاربيەشىلەردىڭ جەتىمدەردى ۇرىپ-سوعۋ دەرەگى تىركەلگەن-ءدى. ەندى قارجى جىمقىرعان قىلمىستىڭ بەتى اشىلىپ وتىر.

ءامىرحان الماعانبەتوۆ.

دەرەككوز: «قازاقستان» تەلەارناسى.

فوتو: «قازاقستان» تەلەارناسى.