مەملەكەت باسشىسى قاسىم-جومارت توقاەۆتىڭ جاڭا جولداۋىندا ەلىمىزدىڭ بۇگىنى مەن بولاشاعىنا قاتىستى كوپتەگەن ماڭىزدى ماسەلە قوزعالدى. پرەزيدەنت سونىڭ ىشىندە مادەنيەت سالاسى قىزمەتكەرلەرىنىڭ جالاقىسىن ءوسىرۋ تۋرالى دا ايتىپ ءوتتى.
رۋحاني بايلىقتىڭ قاينار كوزى – كىتاپحانادا ەڭبەك ەتىپ جاتقان مەن سەكىلدى جاس ماماندار ءۇشىن بۇل قۋانىش, ارينە.
بۇگىندە كىتاپحانا سالاسىندا قىزمەت ەتەتىن ەر-ازاماتتار ساۋساقپەن سانارلىق. سول ازشىلىقتىڭ ءبىر وكىلى بولىپ جىلعا جۋىق ۋاقىتتان بەرى وبلىستىق كىتاپحانادا ەڭبەك ەتىپ كەلەمىن. وسى از ۋاقىتتىڭ وزىندە بۇل سالانىڭ قىزىعىن دا, شىجىعىن دا كورىپ ۇلگەردىم, كوپ نارسە ۇيرەندىم. ءالى دە بولسا مەڭگەرەتىن قىر-سىرى جەتەرلىك, سەبەبى وقىرماننىڭ ىزدەگەنىن سان مىڭداعان اقپاراتتاردىڭ ىشىنەن تاۋىپ بەرۋ, رۋحاني قاجەتتىلىگىن قاناعاتتاندىرۋ وڭاي ەمەس. دۇنيەجۇزى نەبىر تەحنيكالىق توڭكەرىستى باسىنان وتكەرىپ جاتىر, سونىڭ ناتيجەسىندە كوپتەگەن سالانىڭ قىزمەت ەتۋ اۋقىمى دا وزگەرىسكە ۇشىراپ, كەڭەيە ءتۇستى. كىتاپحانا دا سولاي. تەك وقىرماندارعا قىزمەت ەتىپ قانا قويماي, كوپتەگەن مادەني ءىس-شارا, جوعارى دەڭگەيدەگى عىلىمي كونفەرەنتسيالار, وقىرماندارعا ارنالعان ءارتۇرلى زاماناۋي كۋرستار وتكىزەدى. سوندىقتان قازىر بۇل سالادا ەڭبەك ەتكىسى كەلەتىن مامانعا دا قويىلاتىن تالاپتار جەتىپ ارتىلادى.
وركەنيەتتى ەلدەر قاتارىندا تۇرۋ ءۇشىن قاي مەملەكەتتىڭ دە ەكونوميكالىق, الەۋمەتتىك سالاسىنان بولەك, مادەني دەڭگەيى دە نازاردان تىس قالماۋى كەرەك. ال حالىقتىڭ مادەني دامۋىندا كىتاپحانانىڭ الاتىن ورنى وراسان زور. پرەزيدەنت جولداۋىندا ايتىلعان ەڭبەكاقىنى ءوسىرۋ ماسەلەسى ماردىمسىز جالاقىعا ماڭداي تەرىن توگىپ جۇرگەن ءاربىر كىتاپحاناشى ءۇشىن ۇلكەن قولداۋ, دەمەۋ بولارى انىق.
داۋلەت جادىراسىن,
ل.ن.تولستوي اتىنداعى وبلىستىق كىتاپحانانىڭ قىزمەتكەرى
قوستاناي