بۇل تۋرالى «ازاماتتارعا ارنالعان ۇكىمەت» كەاق باسقارما توراعاسى ءادىل قوجىقوۆ «AntikorLive» جوباسىندا ايتتى, دەپ جازادى Egemen.kz.
«تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەن «نيت» اق بىرلەسىپ ەتسق الۋدى جەڭىلدەتۋ بويىنشا جۇمىس ىستەپ جاتىر. الداعى ءبىر ايدا بۇل جۇمىس اياقتالادى دەپ ويلايمىن. بۇل – تەحنيكالىق تۇرعىدان العاندا وتە اۋقىمدى جۇمىس. قازىرگى ەتسق الۋ جۇيەسى قولدانىلمايدى. ونى الۋ ايتارلىقتاي جەڭىلدەيدى. ەتسق-نى قايتا الۋ قاجەتى جوعالادى», دەدى ءادىل قوجىقوۆ.
ول تۇرعىنداردى وزدەرىنىڭ جەكە مالىمەتتەرىن دانەكەر تۇلعالارعا تاپسىرماۋدى سۇرادى.
«كادرلىق جۇيە بويىنشا دا جۇمىستى جەتىلدىرىپ جاتىرمىز. بىزدە قىزمەت ەتكىسى كەلەتىن بارلىق قىزمەتكەر مەملەكەتتىك قىزمەت ىستەرى جونىندەگى اگەنتتىكتەن تەستىلەۋدەن وتەدى. ءبىز كۆازيمەملەكەتتىك سەكتور وكىلى بولساق تا, مەملەكەتتىڭ ايناسى مەن فرونت-كەڭسەسى بولىپ ەسەپتەلەمىز. بىزگە جۇگىنگەن تۇرعىندار مەملەكەتتىڭ وكىلى رەتىندە قاراستىرادى», دەدى ول.