سىبايلاس جەمقورلىققا قارسى قىزمەتتىڭ باسشىسى مارات احمەتجانوۆ تمد سىبايلاس جەمقورلىققا قارسى ىس-قيمىل بويىنشا مەملەكەتارالىق كەڭەستىڭ توراعاسى بولىپ سايلاندى, دەپ جازادى Egemen.kz.
بۇل تۋرالى ANTIKOR News حابارلادى.
تمد سىبايلاس جەمقورلىققا قارسى ءىس-قيمىل بايىنشا مەملەكەتارالىق كەڭەستىڭ VI وتىرىسى ونلاين فورماتتا ءوتتى.
اتالعان كەڭەس قاتىسۋشى مەملەكەتتەر قابىلداعان سىبايلاس جەمقورلىققا قارسى ءىس-قيمىل سالاسىنداعى بىرلەسكەن ىس-قيمىلداردى جانە مىندەتتەمەلەردىڭ ورىندالۋ مونيتورينگىن ۇيلەستىرەدى.
ءىس-شارا بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى مارات احمەتجانوۆ كەڭەس توراعاسى بولىپ سايلاندى.
كەڭەس وتىرىسىنا سىبايلاس جەمقورلىققا قارسى ءىس-قيمىل سالاسىنداعى تمد قاتىسۋشى مەملەكەتتەرىنىڭ باس پروكۋرورلارى مەن مامانداندىرىلعان ورگاندارىنىڭ باسشىلارى قاتىستى.
م. احمەتجانوۆ ءوز سوزىندە قازاقستاننىڭ سىبايلاس جەمقورلىقتى ونىڭ بارلىق تۇرىندە جويۋعا باعىتتالعان ماقساتتى باعىتتى ۇستاناتىنىن جانە ودان ءارى جەمىستى ىنتىماقتاستىققا اشىق ەكەنىن اتاپ ءوتتى.