پارلامەنت پالاتالارىنىڭ بىرلەسكەن وتىرىسىندا جاريالانعان قازاقستان رەسپۋبليكاسىنىڭ پرەزيدەنتى – ەلباسى ن.ءا.نازارباەۆتىڭ «قالىپتاسقان مەملەكەتتىڭ جاڭا ساياسي باعىتى» اتتى «قازاقستان-2050» ستراتەگياسىن جۇزەگە اسىرۋ تۋرالى قازاقستان حالقىنا جولداعان جولداۋى تاراز مەملەكەتتىك پەداگوگيكالىق ينستيتۋتىنىڭ ۇجىمىنا تىڭ سەرپىلىس اكەلدى.
پارلامەنت پالاتالارىنىڭ بىرلەسكەن وتىرىسىندا جاريالانعان قازاقستان رەسپۋبليكاسىنىڭ پرەزيدەنتى – ەلباسى ن.ءا.نازارباەۆتىڭ «قالىپتاسقان مەملەكەتتىڭ جاڭا ساياسي باعىتى» اتتى «قازاقستان-2050» ستراتەگياسىن جۇزەگە اسىرۋ تۋرالى قازاقستان حالقىنا جولداعان جولداۋى تاراز مەملەكەتتىك پەداگوگيكالىق ينستيتۋتىنىڭ ۇجىمىنا تىڭ سەرپىلىس اكەلدى.
جولداۋدا قازاقستاندىقتاردىڭ ءال-اۋقاتىن ارتتىرۋدىڭ بىردەن-ءبىر جولى ءبىلىمدىلىككە ۇمتىلىس بولۋ كەرەكتىگى اتاي وتىرىلىپ, ءبىلىم بەرۋ ساپاسىن ارتتىرۋعا جان-جاقتى جانە اسا ءمان بەرىلۋى قاجەتتىگى پىسىقتالدى. اسىرەسە, پەداگوگيكالىق ينستيتۋتتاردىڭ قىزمەتىنە ىجداعاتتىلىقپەن قاراۋدى تاپسىرعان ەلباسى نۇسقاۋىن ءبىزدىڭ ۇجىم اسقان جىلىلىقپەن قابىلدادى.
بولاشاقتىڭ تۇتقاسى جاستار بولسا, ولاردىڭ سانالى دا ۇلتجاندى ازاماتتىق بولمىسىنىڭ قالىپتاسۋ نەگىزى – مەكتەپ. ال ۇستاز – مەكتەپتىڭ جۇرەگى! مۇعالىم بالانى وقىتىپ قانا قويمايدى, تاربيەلەپ, دامىتادى دا. ال وسىدان-اق ءبىر باسىندا سان ماماندىق تۇيىسكەن ۇستاز جۇگىن ءوزىڭىز سالماقتاي بەرىڭىز... مۇعالىمنىڭ كاسىبي قۇزىرەتتىلىگىنىڭ شەڭبەرى ءبىلىم بەرۋمەن قاتار, بالانىڭ جەكە باسىن دامىتۋ جانە تاربيە ءۇردىسىن باسقارۋدى قامتيتىنىن تۇجىرىمدامالىق تۇرعىدا نەگىزدەگەن ءبىزدىڭ ينستيتۋتتىڭ ۇستازدارى بولاشاق ماماننىڭ پەداگوگيكالىق پورترەتىنىڭ قالىپتاسۋىنا جوو-داعى اكادەميالىق كەزەڭنىڭ ماڭىزى ەرەكشە دەپ سانايدى. سوندىقتان وقۋ ورنىمىزدا بىلىمگەرلەردىڭ رۋحاني-ادامگەرشىلىك دامۋىنا ءارى ولاردىڭ, ەلباسى اتاپ كورسەتكەندەي «جاڭارعان قوعامدا تابىستى بولۋلارىنا» ەرەكشە دەن قويىلعان. وسى رەتتە ءبىلىم باعىتىنداعى 24 ماماندىقتىڭ وقۋ جوسپارىنا «ءبىلىم بەرۋ سالاسىنداعى اكمەولوگيا», «گەندەرلىك ساياسات نەگىزدەرى», «ءولكەتانۋ», «ءوزىن-ءوزى تانۋ» ءپاندەرىنىڭ ەندىرىلگەنى ءبىر عانا مىسال.
ءححى عاسىر – جاھاندىق جاڭالىقتار عاسىرى عانا ەمەس, ءبىلىمنىڭ ءداۋىرلەۋ عاسىرى دا, ويتكەنى, ول قازىرگى كەزدە مەملەكەتتىڭ تۇراقتى دامۋى مەن قاۋىپسىزدىگىن قامتاماسىز ەتۋدە, ساپاسى مەن دەڭگەيىن كوتەرۋدە ايرىقشا ماڭىزدى ءرول اتقارادى. ەلىمىزدە ۋاقىتپەن ۇندەس جۇزەگە اسىرىلىپ جاتقان كوپتەگەن جاڭارۋلار مەن جاڭعىرۋلار ءۇردىسىنىڭ كوشباسشىسى بولا وتىرىپ, مەملەكەتتى, ونىڭ نەگىزگى بايلىعىن قۇراۋشى كۇش – قازاقستاندىقتاردى جاڭا ساپالى دەڭگەيگە كوتەرۋدى مۇرات تۇتقان «قازاقستان-2050» ستراتەگياسىن جۇزەگە اسىرۋ تەتىكتەرى وسى جولعى «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋدا ارنايى تالداندى. قازاقستاننىڭ حالىقارالىق ارەناداعى ورنى ونىڭ گەوگرافيالىق, ساياسي-ەكونوميكالىق الەۋەتىمەن عانا ەمەس, رۋحاني-الەۋمەتتىك جاعدايىمەن دە ەرەكشەلەنەتىن بولۋى كەرەكتىگى تۋرالى باسا ايتقان ن.نازارباەۆ ءسوزى الەۋمەتتىك سالا قىزمەتكەرلەرىمەن قاتار, جوعارى مەكتەپ پەداگوگتارىنا دا ۇلكەن وي سالدى. تاراز مەملەكەتتىك پەداگوگيكالىق ينستيتۋتىنىڭ ۇجىمى ادامي كاپيتالدى ورىستەتۋگە باعىتتالعان وسى جولداۋدى ءبىلىم قۋاتى ارقىلى قوعامدى الەۋمەتتىك جاڭعىرتۋ جولى رەتىندە تانيدى.
ماحاببات وسپانباەۆا,
تاراز مەملەكەتتىك پەداگوگيكالىق ينستيتۋتى
پەداگوگيكا فاكۋلتەتىنىڭ دەكانى.