قر ادىلەت ءمينيسترى 2021 جىلعى 31 تامىزداعى بۇيرىعىمەن «جىلجىمايتىن م ۇلىككە قۇقىقتاردى (قۇقىقتىق اۋىرتپالىقتاردى) مەملەكەتتىك تىركەۋ» مەملەكەتتىك قىزمەت كورسەتۋ ەرەجەسىنە وزگەرىستەر ەنگىزدى, دەپ حابارلايدى Egemen.kz.
مەملەكەتتىك قىزمەت كورسەتۋ مەرزىمىنە قاتىستى بىرقاتار وزگەرتۋلەر ەنگىزىلدى.
«مەملەكەتتىك قىزمەت كورسەتۋ مەرزىمى ءوتىنىش كەلىپ تۇسكەن ساتتەن باستاپ ءۇش جۇمىس كۇنىن قۇرايدى, ال نوتاريالدى كۋالاندىرىلماعان مامىلە بويىنشا مەملەكەتتىك تىركەلگەن جاعدايدا مەملەكەتتىك قىزمەت كورسەتىلەتىن قىزمەتتى بەرۋشىگە ءوتىنىش كەلىپ تۇسكەن ساتتەن باستاپ ءبىر جۇمىس كۇنى ىشىندە كورسەتىلەدى», دەلىنگەن قۇجاتتا.
ەلەكتروندىق تىركەۋ قۇقىقتىق كاداستردىڭ اقپاراتتىق جۇيەسىنە جىلجىمايتىن م ۇلىككە قۇقىقتاردى مەملەكەتتىك تىركەۋ ءۇشىن اقى تولەنگەنى نەمەسە اقى تولەۋدەن بوساتىلعانى تۋرالى راستاۋ كەلىپ تۇسكەن كۇننەن كەيىنگى ءبىر جۇمىس كۇنىنەن كەشىكتىرىلمەي جۇرگىزىلەدى.
«بۇل رەتتە ەلەكتروندىق تىركەۋ قۇقىقتىق كاداستردىڭ اقپاراتتىق جۇيەسىنە جىلجىمايتىن م ۇلىككە قۇقىقتاردى مەملەكەتتىك تىركەگەنى ءۇشىن اقى تولەنگەنى نەمەسە اقى تولەۋدەن بوساتىلعانى تۋرالى راستاۋ كەلىپ تۇسكەن كەزدەن باستاپ ەكى ساعات ىشىندە جەدەلدەتىلگەن تارتىپپەن جۇرگىزىلەدى», دەپ جازىلعان تولىقتىرۋدا.
اۋىرتپالىقتاردىڭ, سونداي-اق زاڭدىق تالاپتاردىڭ توقتاتىلۋىن مەملەكەتتىك تىركەۋ تىركەۋشى ورگانعا ءوتىنىش كەلىپ تۇسكەن كەزدەن باستاپ ءبىر جۇمىس كۇنى ىشىندە جۇرگىزىلەدى.
قۇجاتتاردى قابىلداۋ كۇنى مەملەكەتتىك قىزمەت كورسەتۋ مەرزىمىنە كىرمەيدى.
بۇيرىق 2021 جىلعى 17 قىركۇيەكتەن باستاپ قولدانىسقا ەنگىزىلەدى.