الماتىداعى وقۋ ورنى جابىلىپ قالدى

الماتى قالاسىندا ەسەپ-نەسيە تەحنيكۋمى نەگىزىندە قۇرىلعان بانك ءىسى اكادەمياسى جابىلىپ قالدى. بۇل تۋرالى «31 ارنا» حابارلادى.

اتالعان وقۋ ورنىنىڭ جابىلۋىنا بانكروت نەگىز بولعان كورىنەدى. باسشىلىق تاراپىنان ستۋدەنتتەرگە 3 كۇن ىشىندە قۇجاتتارىڭدى الىپ كەتىڭدەر دەگەن ەسكەرتۋ جاسالىپتى. قازىر 300-گە تارتا ستۋدەنت سەندەلىپ, قايدا بارارىن بىلمەي ءجۇر. ءبىلىم ورداسىندا قىزمەت ەتكەن ۇستازدار دا ءبىر كۇننىڭ ىشىندە جۇمىسسىز قالعان. «وقۋدى بىتىرۋگە 3-4 اي قالعان 3 كۋرس ستۋدەنتتەرىنە قيىن بولدى. ولاردى باسقا وقۋ ورىندارىنا ورنالاستىرۋ ماسەلەسى دە ءالى شەشىمىن تاپقان جوق», - دەيدى بانك ءىسى اكادەمياسىنىڭ پرورەكتورى مارات قاليمولدين.

بۇل ماسەلەدەن قالالىق ءبىلىم دەپارتامەنتى دە حاباردار ەكەن. وسىنداعى كاسىپتىك ءبىلىم ءبولىمىنىڭ باسشىسى ءلاززات شالقاباەۆانىڭ ايتۋىنشا, وقۋ ورنى جابىلىپ قالعان ستۋدەنتتەردىڭ بارلىعى وزگە ءبىلىم ورداسىنا اۋىستىرىلاتىن بولادى. بىراق, اتا-انالار بۇل ءىستىڭ ويداعىداي شەشىلەتىنىنە كۇمانمەن قاراپ وتىر. ويتكەنى, ولارعا وزگە وقۋ ورىندارىنا اقى تولەۋ مىندەتى جۇكتەلۋى ىقتيمال.

ءامىرحان الماعانبەتوۆ.

دەرەككوز: «31 ارنا».

فوتو: «31 ارنا».