اتىراۋدا براكونەرلەردى قاناتىنىڭ استىنا الىپ, قولداۋ كورسەتكەن بالىق قورعاۋ ينسپەكتسياسىنىڭ قوس قىزمەتكەرى قولعا ءتۇستى, دەپ حابارلايدى Egemen.kz «حابار 24» ارناسىنا سىلتەمە جاساپ.
ولاردىڭ ءبىرى بالىقشىلارمەن تەڭىزدەن قايتىپ كەلە جاتىپ ۇستالعان. موتورلى قايىق مىنگەن كۇدىكتىلەردەن 50 سۋ مارجانى تاركىلەنگەن. ال ەكىنشى قىزمەتكەر ءوز ۇيىندە قولعا تۇسكەن. ءتىنتۋ بارىسىندا ۇيىنەن باعالى بالىق تابىلعان.
قوس قىزمەتكەر دە براكونەرلەرگە قولداۋ كورسەتىپ, ءار رەيدتىك شارا تۋرالى اقپاراتتاندىرىپ وتىرعان. سونداي-اق ولاردىڭ تەڭىزگە ەش كەدەرگىسىز شىعۋىنا جاعداي جاساپتى. ول ءۇشىن سىياقى دا العان. وبلىستىق سىبايلاس جەمقورلىققا قارسى كۇرەس دەپارتامەنتى قازىر جايىق-كاسپي باسسەينى بالىق شارۋاشىلىعى ينسپەكتسياسىنىڭ قىزمەتكەرلەرىنە قاتىستى قىلمىستىق ءىستىڭ تەرگەلىپ جاتقانىن راستاپ وتىر.