قر پرەمەر-ءمينيسترى اسقار مامين ازىق-ت ۇلىككە جاتپايتىن تاۋارلارعا ينفلياتسيا دەڭگەيىن تەجەۋ بويىنشا جوسپارلانعان شارالار تۋرالى ايتتى, دەپ حابارلايدى Egemen.kz.
«ازىق-ت ۇلىك ەمەس تاۋارلارعا ينفلياتسيا دەڭگەيىن تەجەۋ جونىندەگى شارالار شەڭبەرىندە قاجەت بولعان جاعدايدا ىشكى نارىقتا تاپشىلىق نە باعانىڭ ءوسۋى بايقالاتىن شيكىزات پەن ماتەريالدار ەكسپورتىنا شەكتەۋلەر ەنگىزۋ كوزدەلەدى», دەدى اسقار مامين ۇكىمەت وتىرىسىندا.
بۇدان باسقا, مەديتسينالىق قىزمەتتەرگە كەشەندى تاريفتەردى جانە بىرقاتار مەديتسينالىق تاۋارلارعا شەكتى باعالاردى الدىن الا بەكىتۋ قامتاماسىز ەتىلەدى.
«ينفلياتسيا يمپورتىنىڭ دەڭگەيى جوعارى وندىرىستەردى, ونىڭ ىشىندە قۇرىلىس ماتەريالدارى مەن جەڭىل ونەركاسىپ ونىمدەرىن ءوسىرۋ بويىنشا ناقتى شارالار ىسكە اسىرىلاتىن بولادى. اقشا-كرەديت ساياساتى شەڭبەرىندە ينفلياتسياعا قارسى شارالاردى ىسكە اسىرۋعا, ونىڭ ىشىندە ەكونوميكاداعى وتىمدىلىك كولەمىنە باقىلاۋدى كۇشەيتۋ ارقىلى فوكۋس كۇشەيتىلەتىن بولادى», دەپ اتاپ ءوتتى پرەمەر-مينيستر.
«بۇل شارالاردىڭ بارلىعى اعىمداعى جىلدىڭ سوڭىنا دەيىن جەدەل تارتىپپەن ازىق-ت ۇلىك ەمەس تاۋارلار مەن اقىلى قىزمەتتەردىڭ باعالارىن تۇراقتاندىرۋعا جانە ينفلياتسيانىڭ جالپى دەڭگەيىن باقىلاۋدى قامتاماسىز ەتۋگە مۇمكىندىك بەرەدى», دەپ تولىقتىردى اسقار مامين.