ءجۇز مىڭنان استام الماتىلىققا جاردەم كورسەتتى

قالالىق الەۋمەتتىك ءال-اۋقات باس­قار­­ماسىنىڭ باسشىسى نازيرا توعىز­باەۆا وڭىرلىك كوممۋنيكاتسيالار قىز­مە­تىنىڭ ءباسپاسوز كونفەرەنتسياسىندا وسى باعىتتا اتقارىلعان جۇمىستاردىڭ «ەڭبەك» مەملەكەتتىك باعدارلاماسى اياسىندا كورسەتىلىپ جاتقانىن, وسى ورايدا از قامتىلعان ازاماتتارعا, مۇگەدەكتەرگە قولداۋ كورسەتىلگەنىن اتاپ ءوتتى.

ال جىل سوڭىنا دەيىن «ەڭبەك» باع­دارلاماسى اياسىندا 13,8 ملرد ءبو­لى­نىپ, بۇل قاراجات 24 مىڭنان استام ادامدى قولداۋعا جۇمسالاتىن بولادى. ن.توعىزباەۆا اتاپ وتكەندەي, وسى جىلدىڭ 7 ايىندا 55 مىڭ ادام الەۋمەتتىك تولەمنىڭ 17 تۇرىمەن قام­تىل­دى. اتاۋلى الەۋمەتتىك كومەك وتباسىنىڭ ءار مۇشەسىنە شاققانداعى تابىس ەڭ تومەنگى كۇنكورىس دەڭگەيىنىڭ 70 پايىزىنان (27 112 تەڭگە) اسپايتىن وتباسىلارعا تولەنەدى. اتاۋلى الەۋمەتتىك كومەك كوپبالالى وتبا­سى­لارعا, جالاقىسى تومەن جۇمىس ىستەيتىن ازاماتتارعا, زەينەتكەرلەرگە, مۇگەدەكتەرگە جانە باسقا دا مۇقتاج جان­دارعا قارايتىن وتباسىلارعا بەرىلەدى. ااك مىندەتى – جۇمىسقا ورنالاسۋ جانە قيىن ومىرلىك جاعدايدان شىعۋ. سوندىقتان ولار جۇمىسپەن قامتۋ ورتالىعىنا جىبەرىلەدى, بۇل ولاردىڭ ماتەريالدىق جاعدايىن جاق­سارتۋعا مۇمكىندىك بەرەدى. وسى جىلدىڭ 7 ايىندا الماتى قالاسىنىڭ 22,7 مىڭ از قامتىلعان ازاماتتارىنا 1,1 ملرد تەڭگە كولەمىندە كومەك كورسەتىلدى. ۆەدومستۆو باسشىسىنىڭ دەرەگىنشە, وتكەن جىلدان باستاپ 1 جاستان 6 جاسقا دەيىنگى بالالارى بار ااك الۋشىلارعا گيگيەنالىق قۇرالدار, تۇرمىستىق حيميا مەن بالالار تاعامدارى كىرەتىن كەپىلدەندىرىلگەن الەۋمەتتىك پاكەت بەرىلەدى. جوبا Magnum ساۋدا جەلىلەرى ارقىلى جۇزەگە اسادى. كەلىسىمشارت سوماسى 8 656 بالانى قامتاماسىز ەتۋ ءۇشىن 607 ملن تەڭگەنى قۇرايدى. بۇگىندە 5,5 مىڭ بالا قامتاماسىز ەتىلگەن. سونىمەن قاتار ااك الۋشىلارىنا تەلەديدار مەن گاز جابدىقتارى بەرىلەدى. تاعى 27 مىڭ ادامعا 1,8 ملرد تەڭگەگە الەۋمەتتىك تولەمنىڭ باسقا تۇرلەرى ۇسىنىلادى.

ن.توعىزباەۆانىڭ ايتۋىنشا, وسى جىلدىڭ جەتى ايىندا جۇمىسپەن قامتۋ ورتالىعىنا 27 مىڭ ادامنان ءوتىنىش تۇسكەن. قازىرگى كەزدە جۇمىسقا ورنالاستىرۋ جوسپارلانعان 19 700 ادامنىڭ 17 900-ءى ەڭبەكپەن قامتىلىپ وتىر. ولاردىڭ قاتارىندا 8 700 ادام تۇراقتى جۇمىسپەن قامتىلعاندار, 9 200-ءى ۋاقىتشا ورنالاسقان. قازىرگى كەزدە الەۋمەتتىك جۇمىس ورىندارىندا 1 100 ادام جۇمىس ىستەسە, 1 500 ۇمىتكەر جاستار پراكتيكاسىنا جىبەرىلدى. ءبىلىم بەرۋ ۇيىمدارىنىڭ سۇرانىسىنا وراي تاعى 800 تۇلەكتى جۇمىسقا ورنالاستىرۋ جوسپارلانۋدا. قوعامدىق جۇمىستاردا 6 600 ادام ەڭبەك ەتۋدە.

قالا تۇرعىندارىنىڭ جاڭا مامان­دىق­تاردى يگەرۋ ماسەلەسىن قوزعاعان ن.توعىزباەۆا «قىسقا مەرزىمدى كۋرس­تار بىلىكتىلىگىن جوعالتقان نەمەسە ماماندىعىن وزگەرتكىسى كەلەتىندەرگە ارنالعان. الماتىنىڭ 34 وقۋ ورنىندا 41 ماماندىق بويىنشا 1 مىڭنان استام ادام ءبىلىم الۋدا», دەدى. سونىمەن بىرگە ەڭبەك نارىعىندا جاس تۇلەكتەردىڭ باسەكەگە قابىلەتتىلىك دەڭگەيى تومەن ەكەندىگىنە ەرەكشە نازار اۋدارعان باسقارما باسشىسى قالادا جاستارعا قاجەتتى جۇمىس داعدىلارىن الۋعا جانە جۇمىسقا بەيىم­دەلۋگە كو­مەك­تە­­س­ۋگە باعىتتالعان ءبىرىن­شى جۇ­مىس جو­باسى ىسكە قوسىلعانىن جەت­كىز­دى. جوبا اياسىندا جۇمىسقا ورنالاس­تى­رۋ جوسپارلانعان 212 ادامنىڭ 116-سى جۇمىسپەن قامتىلعان. ايتا كە­تەر­لىگى, قالا تۇرعىندارى مەن ءوتىنىش بەرۋشىلەر جۇمىسقا ورنالاسۋ ءۇشىن الماتى قالاسىنىڭ جۇمىسپەن قامتۋ ورتالىعىنا حابارلاسا الادى. سونداي-اق enbek.kz ەلەكتروندى ەڭبەك بيرجاسى پورتالىنداعى بوس ورىندار تىزىمىمەن تانىسا الادى. ن.توعىزباەۆا سونىمەن بىرگە وسى جىلى 757 الماتىلىقتىڭ 200 ايلىق ەسەپتىك كورسەتكىش كولەمىندە گرانتقا, ياعني ءوز بيزنەسىن جۇزەگە اسىرۋعا 583 مىڭ تەڭگەگە يە بولعانىن جەتكىزدى. كاسىپكەر بولعىسى كەلەتىندەر ءۇشىن نەگىزىنەن تىگىن, اسپازدىق, مانيكيۋر, شاشتاراز جانە باسقا دا قىزمەتتەر بو­يىن­شا جەكە ىستەرىن اشۋ مۇمكىندىگى بار.

ال جىل باسىنان بەرگى ارالىقتا 127 867 وتباسىنا قايىرىمدىلىق كومەك كور­س­ەتىلگەن. ولارعا كيىم, اياق كيىم, تۇر­مىس­تىق تەحنيكا, ىستىق تاماق, مۇ­گە­دەك اربالارى, سپورت كلۋبتا­رى­نا جازىلۋ جانە تاعى باسقالار بەرىلدى. باسقارما باسشىسى وسى ورايدا مۇقتاج جاندارعا كومەك كورسەتكەنى ءۇشىن الماتىلىق كاسىپورىندار مەن ۇيىمدارعا العىسىن ءبىلدىردى.

الماتى