«ديپلوممەن – اۋىلعا!» جوباسى اياسىندا اۋىلعا اتتانعان جاستاردىڭ قاتارى جىل ساناپ ارتىپ كەلەدى. ويتكەنى, مەملەكەت تاراپىنان اۋىلعا بارىپ جۇمىس ىستەۋگە نيەت بىلدىرگەن دەنساۋلىق ساقتاۋ, ءبىلىم بەرۋ, الەۋمەتتىك قامسىزداندىرۋ, مادەنيەت جانە سپورت ماماندارىن الەۋمەتتىك قولداۋ شارالارى قاراستىرىلعان. بۇل جوبا جۇمىس ىزدەگەن جاستارعا دا, اۋىلدىق جەردەگى كادر تاپشىلىعىن جولعا قويۋدى ويلاستىرعان باسشىلار ءۇشىن دە ءتيىمدى بولدى.
«ديپلوممەن – اۋىلعا!» جوباسى اياسىندا اۋىلعا اتتانعان جاستاردىڭ قاتارى جىل ساناپ ارتىپ كەلەدى. ويتكەنى, مەملەكەت تاراپىنان اۋىلعا بارىپ جۇمىس ىستەۋگە نيەت بىلدىرگەن دەنساۋلىق ساقتاۋ, ءبىلىم بەرۋ, الەۋمەتتىك قامسىزداندىرۋ, مادەنيەت جانە سپورت ماماندارىن الەۋمەتتىك قولداۋ شارالارى قاراستىرىلعان. بۇل جوبا جۇمىس ىزدەگەن جاستارعا دا, اۋىلدىق جەردەگى كادر تاپشىلىعىن جولعا قويۋدى ويلاستىرعان باسشىلار ءۇشىن دە ءتيىمدى بولدى.
مىسالى, مويىنقۇم اۋىلىنا كەلىپ, اۋداندىق ورتالىق اۋرۋحانادا قىزمەت ەتە باستاعان جاس دارىگەرلەر عابيت يسابەكوۆ پەن بەكبولات كەڭەسباەۆ بۇگىندە ايماق تۇرعىندارىنىڭ قۇرمەتىنە بولەنۋدە. الماتىداعى س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىن ءبىتىرىپ كەلگەن ع.يسابەكوۆتىڭ ماماندىعى – حيرۋرگ-دارىگەر بولسا, ب.كەڭەسباەۆ – يممۋنولوگ-دارىگەر. «اۋىلدا لاق تۋسا, ادىردا ءشوپ كوگەرەدى» دەگەن, ولارعا اۋىلدا تيىسىنشە الەۋمەتتىك-ماتەريالدىق جاعداي دا جاسالعان. ءبىلىمدى جاستار ەل ىشىنە كەلگەلى اۋىل مادەنيەتى مەن اجارى دا اشىلا تۇسكەن.
– الىستاعى اۋىلعا كەلىپ قىزمەت ەتىپ جاتقانىمىزعا وكىنبەيمىز. مۇندا ءبىزدىڭ قىزمەت ەتۋىمىزگە, ءومىر سۇرۋىمىزگە بارلىق جاعداي جاسالعان. ەندى تەك حالىققا قالتقىسىز قىزمەت كورسەتىپ, ولاردىڭ ءومىر جاستارىنىڭ ۇزاق بولۋىنا كومەكتەسۋدەن باسقا الاڭدايتىن ماسەلە قالعان جوق.
وتكەن جىلى وبلىستىق دەنساۋلىق ساقتاۋ باسقارماسىنا وتىنىشپەن كەلگەن 126 جاس مامان بۇگىندە ءوڭىردىڭ تۇكپىر-تۇكپىرىندە ەڭبەك ەتۋدە. ولاردىڭ 73-ءى اۋىلدىق ەلدى مەكەندەرگە, 53-ءى قالا ايماعىنا جۇمىسقا ورنالاستىرىلدى. مىسالى, ولاردىڭ ىشىندە جۋالى اۋدانىنا – 15, قورداي اۋدانىنا –13, شۋ اۋدانىنا – 9, تالاس اۋدانىنا – 7 جانە جامبىل اۋدانىنا – 7 جاس مامان بارىپ, ادامداردىڭ جانىنا شيپا سىيلاپ ءجۇر. الەۋمەتتىك كومەك رەتىندە 23 مامانعا رەسپۋبليكالىق بيۋدجەتتەن – 2 786 910 تەڭگە, 53 مامانعا وبلىستىق بيۋدجەتتەن – 1 610 000 تەڭگە قارجى بولىنگەن.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.