اقتوبەدە جول اپاتى بولىپ, 24 جاستاعى قىز اۋرۋحانادا كوز جۇمدى, دەپ حابارلايدى Egemen.kz.
اقتوبە-بولگاركا-شۇبارقۇدىق تاسجولىندا «Opel Zafira» اۆتوكولىگىنىڭ 25 جاستاعى جۇرگىزۋشىسى رۋلگە يە بولا الماي, اۋدارىلدى.
«جول-كولىك وقيعاسى سالدارىنان 24 جاستاعى بويجەتكەن اۋىر جاراقات الىپ, اۋداندىق اۋرۋحاناعا جاتقىزىلدى. بىراق دارىگەرلەر جولاۋشىنىڭ ءومىرىن ساقتاپ قالا المادى.
وسى وقيعا بويىنشا قىلمىستىق كودەكستىڭ «جول قوزعالىسى ەرەجەسىن بۇزۋ» بابىمەن ءىس قوزعالدى», دەپ حابارلادى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.