پاۆلوداردا جەڭىل اۆتوكولىك تىزگىندەگەن ماس جۇرگىزۋشى اعاشقا سوعىلدى, دەپ حابارلايدى Egemen.kz.
«5 قىركۇيەك كۇنى ساعات 04:00-دە پاۆلودار قالاسىنداعى باكينسكايا-سۋراگانوۆ كوشەلەرىنىڭ قيىلىسىندا Opel Frontera اۆتوكولىگىنىڭ 29 جاستاعى جۇرگىزۋشىسى كولىكتى باسقارا الماي, اعاشقا سوعىلدى. جول-كولىك وقيعاسى سالدارىنان 1986 جىلى تۋعان جولاۋشى وقيعا ورنىندا كوز جۇمدى», دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
جۇرگىزۋشى كولىكتى باسقارۋ كەزىندە ماس بولعانى انىقتالدى.
«جۇرگىزۋشىنىڭ بارلىق تۋىستارى ەر ادامنىڭ بۇل كۇيدە كولىك جۇرگىزەتىنىن ءبىلدى, بىراق ونى ەشكىم توقتاتقان جوق», دەدى ءباسپاسوز قىزمەتى.
كولىك ارنايى ايىپ تۇراعىنا جەتكىزىلدى. جكو فاكتىسى بويىنشا سوتقا دەيىنگى قىلمىستىق تەرگەۋ باستالدى. ال جولاۋشى ءومىرىن قيعان ماس جۇرگىزۋشى ۋاقىتشا ۇستاۋ يزولياتورىنا قامالدى.