مەملەكەت باسشىسى قاسىم-جومارت توقاەۆتىڭ حالىققا جولداۋى قوعامداعى كۇردەلى ماسەلەلەردىڭ شەشىمىن ايقىنداپ, باعىت-باعدارىن كورسەتىپ بەردى. پرەزيدەنت مەملەكەتتى نىعايتۋ كەزەڭىنە باستى نازار اۋدارىپ, ءىرى ساياسي رەفورمالاردى جۇزەگە اسىرىپ كەلەدى.
حالىقتىڭ ءال-اۋقاتىن كوتەرۋ ماقساتىنداعى ساياسي رەفورمالاردىڭ ءبىر كورىنىسى بىلتىرعى زەينەتاقى جيناقتارىن پايدالانۋ تەتىگىن ۇسىنۋى ناقتى ناتيجەگە قول جەتكىزدى. بۇل حالىقتىڭ جاعدايىنىڭ نەعۇرلىم تۇزەلۋىنە وڭ اسەرىن تيگىزدى. سونىمەن قاتار جەردىڭ شەتەلدىكتەرگە ساتىلۋىنا تىيىم سالىنىپ, قول قويۋى دا حالىقتىڭ كوڭىلىندەگى كۇدىگىن سەيىلتتى. دەگەنمەن قوعامداعى كەلەڭسىز جاعدايلاردىڭ دا توبە كورسەتىپ جاتقانى بەلگىلى. مەملەكەت باسشىسى اۋىل شارۋاشىلىعىنا بولىنەتىن سۋبسيدياننىڭ تالان-تاراجعا تۇسكەنىن ايتا كەلىپ, بۇدان بىلاي سۋبسيديانى راسىمدەۋ اشىق ءارى قولجەتىمدى بولاتىنىن ەسكەرتتى.
«الەۋمەتتىك باعدارلامالاردى جەكە مۇددەسىنە پايدالانعاندار, ۇلتتىق ەكونوميكاعا پايدا اكەلمەيتىن جوبالارعا قاراجاتتاردىڭ بولىنەتىندىگىنە توقتاۋ بولادى, مەملەكەت بانكتەرگە كومەك بەرمەيدى», دەدى پرەزيدەنت.
عىلىمدى دامىتۋ, حالىقتىڭ دەنساۋلىعىن ساقتاۋ, ەكولوگيا, اۋىز سۋ ماسەلەلەرىنىڭ شەشىمىن تابۋ ماقساتىندا ۇكىمەتكە تاپسىرمالار بەردى.
«حان قاسىندا اقىلدى بي بولسا, قارا جەردە كەمە جۇرگىزەدى». قازاقستان پرەزيدەنتى قاسىم-جومارت توقاەۆ ءار جولداۋىندا ساياسي جۇيەنىڭ جاڭا فورمۋلاسىن ۇسىنادى. جاھاندىق كەزەڭدە باس ساۋعالاۋدىڭ مۇمكىن ەمەستىگىنە كوز جەتكىزىپ وتىرمىز. ءجۇز مىڭداعان جوعارى بىلىكتى ءىت-مامانداردىڭ تاپشىلىعى قوعام دامۋىن تەجەيتىنى دە راس. جولداۋداعى ماقسات-مۇددە – ۇلكەن بەتبۇرىس! كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت بولعاندا ءتورت اياعى تەڭ تۇسەتىنىنە سەنىم مول.
روزا مۇقانوۆا,
جازۋشى-دراماتۋرگ,
مەملەكەتتىك سىيلىقتىڭ لاۋرەاتى