«تۋبەركۋلەزگە قارسى ەكپە دەگەن سىلتاۋمەن بالالارعا كوروناۆيرۋسقا قارسى ۆاكتسينا سالىنىپ جاتىر». ەل ىشىنە تاراعان بۇل اقپاراتتىڭ جالعان ەكەنىن سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتاناەۆ مالىمدەدى, دەپ حابارلايدى Egemen.kz.
ول ءوزىنىڭ فەيسبۋكتاعى پاراقشاسىندا «تۋبەركۋلەزگە قارسى رەۆاكتسيناتسيا جوسپارلى شارا جانە ول تەك قىركۇيەكتە جۇرگىزىلەدى» دەپ جازدى. سونداي-اق اتا-انانىڭ جازباشا كەلىسىمىنسىز ەشكىمگە ەكپە سالىنبايتىنىن اتاپ ءوتتى. ونىڭ ايتۋىنشا, Pfizer ۆاكتسيناسى وسى جىلدىڭ ءتورتىنشى توقسانىندا قولجەتىمدى بولادى. بىراق ول دا تەك اتا-انانىڭ نەمەسە بالانىڭ زاڭدى وكىلىنىڭ رۇقساتىمەن عانا سالىنادى. كوميتەت وكىلى قازاقستاندىقتاردى تەك رەسمي دەرەك كوزدەرىنە سەنۋگە شاقىردى.