2021 جىلعى 3 قىركۇيەك كۇنى S&P حالىقارالىق رەيتينگ اگەنتتىگى قازاقستان رەسپۋبليكاسىنىڭ تاۋەلسىز كرەديت رەيتينگىن «ۆۆۆ-» دەڭگەيىندە راستادى, دەپ حابارلايدى Egemen.kz.
S&P ساراپشىلارىنىڭ باعالاۋىنشا, قازاقستاننىڭ رەيتينگىن قولداعان نەگىزگى فاكتورلار – بۇل تۇراقتى فيسكالدىق جانە سىرتقى رەزەرۆتەر. S&P ساراپشىلارى وزگەرمەلى ايىرباس باعامىنىڭ رەجيمى ەكونوميكانىڭ 2020 جىلى مۇناي باعاسىنىڭ كۇرت تومەندەۋىنە بايلانىستى پايدا بولعان سىرتقى قىسىمعا بەيىمدەلۋگە كومەكتەسكەنىن اتاپ كورسەتتى.
بىرتىندەپ جۇرگىزىلىپ كەلە جاتقان فيسكالدىق شوعىرلاندىرۋ, ۇلتتىق قوردان بيۋدجەتكە ترانسفەرتتەركولەمىن شەكتەيتىن فيسكالدىق ەرەجەنى ەنگىزۋ جانە مۇناي ءوندىرۋ كولەمىنىڭ ۇلعايۋى قازاقستاننىڭ سىرتقى پوزيتسياسىن نىعايتۋعا اسەرىن تيگىزەدى.
S&P پىكىرى بويىنشا, 2021 جىلدىڭ قورىتىندىسى بويىنشا ينفلياتسيا 8,5%-دى قۇرايدى. بۇل كورسەتكىش ىنتالاندىرۋشى فيسكالدىق ساياساتتىڭ اسەرىنە, يمپورتتالاتىن تاۋارلار باعالارىنىڭ وسۋىنە, سونداي-اق ازاماتتاردىڭ زەينەتاقى جيناقتارىن مەرزىمىنەن بۇرىن شەشۋىنە بايلانىستى.
اگەنتتىك ۇلتتىق بانكتىڭ اشىقتىعىن ارتتىرۋى, اتاپ ايتقاندا, ۇلتتىق قوردىڭ ۆاليۋتالىق وپەراتسيالارىن جاريالاۋ, ۇلتتىق بانكتىڭ قارجى مينيسترلىگىمەن كىرىستىلىك قيسىعىن قۇرۋ بويىنشا بىرلەسكەن جۇمىسى, قارجىلىق رەتتەۋ فۋنكتسياسىن ۇلتتىق بانكتىڭ وكىلەتتىگىنەن ءبولۋ سياقتى شارالار اقشا-نەسيە ساياساتىنا سەنىمدىلىكتى ارتتىراتىنىن اتاپ ءوتتى.
S&P ساراپشىلارىنىڭ پىكىرىنشە, ۇلتتىق بانكتىڭ 2025 جىلعا دەيىن ەكونوميكانى قولداۋ باعدارلامالارىنان شىعۋ ورتالىق بانكتىڭ تيىمدىلىگىن ارتتىرۋعا كومەكتەسەدى.
S&P بولجامىنا سايكەس, قازاقستان ەكونوميكاسىنىڭ ءوسۋ قارقىنى 2021 جىلى 3,5% قۇرايتىن بولادى جانە ونى شيكىزاتتىق ەمەس سەكتوردىڭ ءوسۋى, شەكتەۋلەردىڭ جۇمسارتىلۋى ەسەبىنەن ەكونوميكالىق بەلسەندىلىكتىڭ قالپىنا كەلۋى, ينۆەستيتسيالاردىڭ ءوسۋى, نەگىزگى ساۋدا سەرىكتەس ەلدەرىندەگى ىسكەرلىك بەلسەندىلىكتىڭ قالپىنا كەلۋى قامتاماسىز ەتەتىن بولادى.