نۇر-سۇلتاندا مەكتەپتە ءورت شىقتى

توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, وقيعا 3 قىركۇيەك كۇنى ساعات 09:04-تە بولعان.

«بۇگىن 9 ساعات 4 مينۋتتا ءورت ءسوندىرۋ قىزمەتىنە بايقوڭىر اۋدانى يمانباەۆا 4 مەكەنجايىندا ورنالاسقان № 54 مەكتەپ-ليتسەيىندە ءورت بولىپ جاتىر دەگەن حابار ءتۇستى. ءورت سوندىرۋشىلەر كەلگەن كەزدە كىرە بەرىستە 1 قاباتتاعى توبە جابىندىسىنىڭ بىقسىپ جانىپ جاتقانى انىقتالدى. ءورت سوندىرۋشىلەردىڭ  جەدەل ءارى ۇيلەسىمدى ارەكەتىمەن ءورت 15 مينۋت  ىشىندە تولىعىمەن ءسوندىردى», دەپ حابارلادى تجد.

ءورت اۋماعى 8 شارشى مەتردى قۇرادى. وقۋشىلار ءورت سوندىرۋشىلەر كەلگەنشە ەۆاكۋاتسيالانعان. ورتتەن زارداپ شەككەندەر جوق. وقۋ پروتسەسى جالعاسىپ جاتىر.

ءورت سوندىرۋگە 8 ءورت ءسوندىرۋشى مەن 4 تەحنيكا جۇمىلدىرىلدى.