الەۋمەتتىك مەديتسينالىق ساقتاندىرۋ قورىنىڭ ەلوردا فيليالىندا «تمككك اياسىندا جانە ءمامس جۇيەسىندە مەديتسينالىق كومەك الۋ» تاقىرىبىندا ونلاين-ۆەبينار ءوتتى.
ۆەبينارعا امسق ەلوردا فيليالى قىزمەتكەرلەرى, نۇر-سۇلتان قالاسى بويىنشا شاشىراندى سكلەروزبەن اۋىراتىن ناۋقاس-مۇگەدەكتەر قوعامدىق بىرلەستىگى مەن «رسو «قازاقستاننىڭ اكەلەرى» رەسپۋبليكالىق قوعامدىق بىرلەستىگى مۇشەلەرى جانە ت.ب. قاتىستى.
ۆەبينار بارىسىندا مەديتسينالىق ساقتاندىرۋ قورىنىڭ نۇر-سۇلتان قالاسى بويىنشا فيليالىنىڭ حالىقتى اقپاراتتاندىرۋ جانە وتىنىشتەردى قاراۋ ءبولىمىنىڭ جەتەكشىسى گ.جۇمانوۆ قاتىسۋشىلارعا تمككك جانە ءمامس پاكەتتەرىنە قانداي مەديتسينالىق قىزمەتتەر كىرەتىنى, ءمامس جۇيەسىندە ۇسىنىلاتىن مەديتسينالىق كومەكتىڭ ەرەكشەلىكتەرىنە توقتالىپ, جان-جاقتى ءتۇسىندىردى. تمككك اياسىنداعى جانە ءمامس جۇيەسىندە كورسەتىلەتىن مەديتسينالىق كومەكتەردىڭ تانىستىرىلىمى ۇسىنىلدى. اقپاراتتاندىرۋ-ءتۇسىندىرۋ بارىسىندا ول تەگىن مەديتسينالىق كەپىلدىك بەرىلگەن كولەمدە,
ساقتاندىرىلعان-ساقتاندىرىلماعانىنا قاراماستان, بارلىق ازاماتتارعا مەكەنجايى بويىنشا تىركەلگەن ەمحانادا العاشقى مەديتسينالىق-سانيتارلىق كومەك, جەدەل جاردەم, سانيتارلىق اۆياتسيا, شۇعىل ستاتسيونارلىق كومەك, الەۋمەتتىك ماڭىزدى سىرقاتتار مەن نەگىزگى سوزىلمالى سىرقاتى بار ناۋقاستارعا, ءدارى-دارمەكپەن قامتاماسىز ەتۋدى قوسقاندا, تەگىن مەديتسينالىق قىزمەت كورسەتىلەتىنىن اتاپ ءوتتى.
ودان ءارى امبۋلاتوريالىق ءدارى-دارمەكتەرمەن قامتاماسىز ەتۋ قىزمەتى بويىنشا باس ساراپشى ب.حاسيمۇراتوۆا جان-جاقتى ءتۇسىندىرىپ ايتىپ بەردى.
سونداي-اق ۆەبينارعا قاتىسۋشىلار تەگىن مەديتسينالىق كەپىلدىك بەرىلگەن مەديتسينالىق كومەك اياسىندا جانە مىندەتتى الەۋمەتتىك مەديتسينالىق ساقتاندىرۋ جۇيەسىندە كورسەتىلەتىن مەديتسينالىق قىزمەتتەردىڭ جاڭارتىلعان تىزبەسى, 15 جەڭىلدىك ساناتىنداعى ازاماتتار, ءمامس جۇيەسىندەگى ساقتاندىرۋ مارتەبەسىن تەكسەرۋ ادىستەرى, قاشىقتىقتان مەديتسينالىق قىزمەت الۋ تۋرالى, ت.ب. اقپاراتتار الدى.
«ەگەمەن-اقپارات»