نۇر-سۇلتاندا ۆاكتسينالانعاندار اراسىندا تاعى ەكى iPhone12 جانە باسقا دا باعالى سىيلىقتاردىڭ جەڭىمپازدارى بەلگىلى بولدى, دەپ حابارلايدى Egemen.kz.
تاعى ەكى iPhone12 مەن تۇرمىستىق تەحنيكانىڭ سەگىزىنشى ۇتىس ويىنى 28 تامىزدا (سەنبى) ساعات 17:00-دە نۇر-سۇلتان قالاسى اكىمدىگىنىڭ الەۋمەتتىك جەلىلەردەگى (Facebook, YouTube) پاراقشالارىندا تىكەلەي ەفيردە ءوتتى. سەگىزىنشى ۇتىس ويىنىنا 21 تامىز بەن 27 تامىز ارالىعىندا (قوسا العاندا) ۆاكتسيناتسيالانعاندار قاتىستى.
سەگىزىنشى ۇتىس ويىنىنىڭ جەڭىمپازدارى: 1) № 7613 ادىلبەك ابەنوۆ – iPhone 12;
2) № 197 گۇلجازيرا نۇعىمانوۆا – iPhone 12;
3) № 2507 كەرەەۆا دينارا زاراپوۆنا – توڭازىتقىش;
4) № 6689 كۋماكوۆ سابىرجان سايلاۋبەك ۇلى – تەلەديدار;
5) № 5186 حاميتوۆا ديدار امانگەلدينوۆنا – كىر جۋعىش ماشينا.
ۆاكتسينالانعانداردىڭ اراسىندا سوڭعى ۇلگىدەگى iPhone تەلەفونىنىڭ 19 داناسى, 6 توڭازىتقىش, 4 تەلەديدار, 2 پلانشەت, 4 ميكروتولقىندى پەش, 5 پرينتەر, 2 بەينەتىركەگىش, كىر جۋعىش ماشينالار, اليسا اقىلدى كولونكاسى, اۋا ىلعالداندىرعىش جانە ت.ب. ويناتىلدى.
باعالى سىيلىقتاردىڭ ۇتىس ويىندارى قالا تۇرعىندارى مەن قوناقتارىن ۆاكتسينالاۋعا ىنتالاندىرۋ ءۇشىن وتكىزىلەدى. تەك ۆاكتسيناتسيا ءسىزدىڭ دە دەنساۋلىعىڭىزدى, جاقىندارىڭىز بەن اينالاڭىزداعى ادامداردىڭ دا دەنساۋلىعىن قورعاۋعا مۇمكىندىك بەرەدى. ويتكەنى, باستى ماقسات – ۇجىمدىق يممۋنيتەتتى دامىتۋ جانە بۇرىنعى كارانتينگە دەيىنگى رەجيمگە ورالۋ.