بۇرىنعى «اقتوبەاۋىلماش» زاۋىتىنىڭ اۋماعىندا جەرگىلىكتى كاسىپكەر اۋىل شارۋاشىلىعىنا قاجەتتى تىرما مەن تۇقىمسەپكىش شىعارادى ەكەن دەگەندى ەستىگەندە كىم بولدى ەكەن دەپ ەلەڭدەپ قالعانىمىز راس. شىنى كەرەك, قالا جولدارىن سالۋدا, باسقا دا ءوندىرىستى ىسكە قوسۋدا وزىندىك قولتاڭباسى قالىپتاسقان «كتپ» جشس ەكەنىن ەستىگەندە كادىمگىدەي ءسۇيسىنىپ قالدىق. قانداي شارۋانى قولعا السا دا اياعىنا جەتكىزەتىن سەرىكتەستىكتىڭ تاعى ءبىر تىڭ ءىستىڭ تىزگىنىن ۇستاعانى قۋانتتى. ونىڭ ۇستىنە بۇل اۋىلشارۋاشىلىق قۇرالدارى اناعۇرلىم جەتىلدىرىلگەن جانە ىلعال ساقتاۋدىڭ وسى زامانعى وزىق تەحنولوگيالارىنا تولىق جاۋاپ بەرەدى دەپ كۇتىلۋدە.
بۇرىنعى «اقتوبەاۋىلماش» زاۋىتىنىڭ اۋماعىندا جەرگىلىكتى كاسىپكەر اۋىل شارۋاشىلىعىنا قاجەتتى تىرما مەن تۇقىمسەپكىش شىعارادى ەكەن دەگەندى ەستىگەندە كىم بولدى ەكەن دەپ ەلەڭدەپ قالعانىمىز راس. شىنى كەرەك, قالا جولدارىن سالۋدا, باسقا دا ءوندىرىستى ىسكە قوسۋدا وزىندىك قولتاڭباسى قالىپتاسقان «كتپ» جشس ەكەنىن ەستىگەندە كادىمگىدەي ءسۇيسىنىپ قالدىق. قانداي شارۋانى قولعا السا دا اياعىنا جەتكىزەتىن سەرىكتەستىكتىڭ تاعى ءبىر تىڭ ءىستىڭ تىزگىنىن ۇستاعانى قۋانتتى. ونىڭ ۇستىنە بۇل اۋىلشارۋاشىلىق قۇرالدارى اناعۇرلىم جەتىلدىرىلگەن جانە ىلعال ساقتاۋدىڭ وسى زامانعى وزىق تەحنولوگيالارىنا تولىق جاۋاپ بەرەدى دەپ كۇتىلۋدە.
قازىر سەرىكتەستىك باسشىلارى ناقتى وتكىزۋ رىنوگىن زەرتتەۋدە, سونى ەسەپكە الىپ قانا تسەحتى مودەرنيزاتسيالاۋدىڭ ينۆەستيتسيالىق ساياساتى ناقتى انىقتالاتىن بولادى. سەرىكتەستىكتىڭ وزدەرىندە تۇقىمسەپكىش اگرەگاتتاردى تولىق جيناۋ تسيكلىنا كوشۋ مامانداردىڭ ەسەپتەۋىنشە, ءونىمنىڭ وزىندىك قۇنىن اناعۇرلىم كەمىتەدى دەپ كۇتىلۋدە.
جەرگىلىكتى ەگىنشىلەردىڭ ءتيىمدى باعاعا تىرمالار مەن تۇقىمسەپكىشتەردى ساتىپ الۋى وتە-موتە ماڭىزدى. وتكەن جىلى وبلىس قوسىمشا 12 تىرما ساتىپ الۋعا تاپسىرىس بەرىپتى. ال, ەگەر تۇقىمسەپكىش كەشەنى جەرگىلىكتى جەردە ورىندالعاننىڭ وزىندە وتە قىمبات – 5800 مىڭ تەڭگە تۇرادى. جوبانىڭ باستاماشىسى كاسىپكەر ۆسەۆولود ششەگەلسكي سۇرانىسقا يە اۋىل- شارۋاشىلىق اگرەگاتىن وزدەرىندە تولىق جيناۋدى ۇيىمداستىرۋدىڭ جاڭا جوباسىن جاساپ وتىرعاندارىن جەتكىزدى. قازىر وندىرىستە 45 مامان جۇمىس ىستەيدى, ەگەر بولاشاقتا قوسىمشا ينۆەستيتسيا تارتىلىپ جاتسا, وندا وندىرىستە 100-گە جۋىق ادام ەڭبەك ەتەتىن بولادى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.