قالالىق جۇمىسپەن قامتۋ جانە الەۋمەتتىك باعدارلامالار ءبولىمى ورنالاسىپ كەلگەن بۇرىنعى بالاباقشا كۇردەلى جوندەۋدەن ءوتىپ, «بالاۋسا» دەگەن ادەمى اتتى يەلەندى. ونىڭ اشىلۋ سالتاناتىنا ايماق باسشىسى سامات ەسكەندىروۆ قاتىسىپ, 80 ورىنعا شاقتالعان مەكتەپكە دەيىنگى تاربيە وشاعىنا پيانينو سەرتيفيكاتىن تابىس ەتتى.
قالالىق جۇمىسپەن قامتۋ جانە الەۋمەتتىك باعدارلامالار ءبولىمى ورنالاسىپ كەلگەن بۇرىنعى بالاباقشا كۇردەلى جوندەۋدەن ءوتىپ, «بالاۋسا» دەگەن ادەمى اتتى يەلەندى. ونىڭ اشىلۋ سالتاناتىنا ايماق باسشىسى سامات ەسكەندىروۆ قاتىسىپ, 80 ورىنعا شاقتالعان مەكتەپكە دەيىنگى تاربيە وشاعىنا پيانينو سەرتيفيكاتىن تابىس ەتتى.
اكىم № 23 مەكتەپ جانىنان بوي كوتەرگەن جاڭا حوككەي كورتىندا وتكەن قالالىق ءتۋرنيردى تاماشالادى. «تۇلپار» بالالار جانە جاسوسپىرىمدەر كلۋبىنىڭ مۇشەلەرىنە جاڭا فورمالار تارتۋ ەتتى.
«دامۋ» كاسىپكەرلىكتى دامىتۋ قورى جەرگىلىكتى فيليالى جانىنان شاعىن جانە ورتا بيزنەس وكىلدەرىنە قىزمەت كورسەتۋ ورتالىعى ءوز جۇمىسىن باستادى. بۇدان بىلاي «ءبىر تەرەزە» قاعيداتىمەن بيزنەسكە قاتىستى بارلىق اقپاراتتارعا جاۋاپتى وسىنان الۋعا بولادى. رەسپۋبليكالىق قور باسقارماسىنىڭ ءتورايىمى ءلاززات يبراگيموۆا بانك, بيزنەس-قاۋىمداستىق, دامۋ ينستيتۋتتارى وكىلدەرىنە بۋحگالتەرلىك ەسەپ جانە سالىق سالۋ, كەدەندىك رەسىمدەۋ, ماركەتينگتىك زەرتتەۋلەر, IT-تەحنولوگيا, تاعى باسقا ماسەلەلەر بويىنشا قىزمەت كورسەتىلەتىنىن ايتىپ بەردى. سونداي-اق, «بيزنەس-كەڭەسشى» باعدارلاماسى بويىنشا ءدارىس بەرىلەدى. كاسىپكەرلەردىڭ بىلىكتىلىگىن ارتتىرۋ كۋرستارى تەگىن ۇيىمداستىرىلادى. ول ءۇشىن ارنايى كابينەت بولىنگەن. «جاس كاسىپكەرلەر» كلۋبىن اشۋ جوسپارلانعان. مۇندا كاسىپكەرلەر پالاتاسى, «قازاگرو» ۇلتتىق باسقارۋ حولدينگى» اق-تىڭ بولىمشەسى, حالىققا قىزمەت كورسەتۋ ورتالىعى دا ورنالاسادى.
ل.يبراگيموۆا رەسپۋبليكالىق «التىن ساپا» كونكۋرسىنا جانە «قازاقستاننىڭ ۇزدىك تاۋارى» كونكۋرس-كورمەسىنە قاتىسقان كاسىپورىن جەتەكشىلەرىنە يندۋستريا جانە جاڭا تەحنولوگيالار مينيسترلىگىنىڭ العىس حاتتارىن تاپسىردى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.