ەلىمىزدە قۇرىلىس كۇننەن-كۇنگە قارقىندى دامىپ كەلە جاتقاندىقتان, كىرپىشكە دەگەن قاجەتتىلىك تە تۋىندادى. بۇدان 4 جىل بۇرىن, ياعني 2009 جىلى 26 جەلتوقساندا ەكىباستۇزدا كىرپىش زاۋىتى پايدالانۋعا بەرىلدى. بۇل كاسىپورىننىڭ وزگەشەلىگى دە سول, كومىر قالدىعىن ىسكە جاراتىپ, وتاندىق قۇرىلىس ماتەريالىن ءوندىرۋدى قولعا الدى. سودان بەرى زاۋىتتا جىلىنا 25 ميلليون كىرپىش شىعارىلادى. جىلىنا وسىنشاما كىرپىش شىعارۋ ءۇشىن وندىرىسكە كەمىندە 250 مىڭ توننا كومىر قالدىقتارى قولدانىلادى ەكەن. زاۋىتتىڭ الەۋەتى جىلىنا 50 ميلليون كىرپىش شىعارۋعا دەيىن جەتەدى. باستاپقىدا قۇرىلىس ماتەريالدارىمەن وبلىس اۋماعىن قامتاماسىز ەتۋ كوزدەلگەن بولاتىن. الايدا, ەكىباستۇزدان شىعارىلاتىن كىرپىشكە ەلىمىزدىڭ وزگە دە وڭىرلەرىنەن سۇرانىس ارتۋى ەكىنشى زاۋىتتى ىسكە قوسۋ قاجەتتىلىگىن تۋعىزدى.
ەلىمىزدە قۇرىلىس كۇننەن-كۇنگە قارقىندى دامىپ كەلە جاتقاندىقتان, كىرپىشكە دەگەن قاجەتتىلىك تە تۋىندادى. بۇدان 4 جىل بۇرىن, ياعني 2009 جىلى 26 جەلتوقساندا ەكىباستۇزدا كىرپىش زاۋىتى پايدالانۋعا بەرىلدى. بۇل كاسىپورىننىڭ وزگەشەلىگى دە سول, كومىر قالدىعىن ىسكە جاراتىپ, وتاندىق قۇرىلىس ماتەريالىن ءوندىرۋدى قولعا الدى. سودان بەرى زاۋىتتا جىلىنا 25 ميلليون كىرپىش شىعارىلادى. جىلىنا وسىنشاما كىرپىش شىعارۋ ءۇشىن وندىرىسكە كەمىندە 250 مىڭ توننا كومىر قالدىقتارى قولدانىلادى ەكەن. زاۋىتتىڭ الەۋەتى جىلىنا 50 ميلليون كىرپىش شىعارۋعا دەيىن جەتەدى. باستاپقىدا قۇرىلىس ماتەريالدارىمەن وبلىس اۋماعىن قامتاماسىز ەتۋ كوزدەلگەن بولاتىن. الايدا, ەكىباستۇزدان شىعارىلاتىن كىرپىشكە ەلىمىزدىڭ وزگە دە وڭىرلەرىنەن سۇرانىس ارتۋى ەكىنشى زاۋىتتى ىسكە قوسۋ قاجەتتىلىگىن تۋعىزدى.
ەكىنشى كەزەكتەگى زاۋىتتىڭ قازىعى وتكەن جىلعى شىلدە ايىندا قاعىلدى. نىسانعا تاپسىرىس بەرۋشى ءارى مەردىگەر – «ۆەرشينا» جشس.
قۇرىلىس بارىسىن ءوز كوزىمىزبەن كورۋدى ماقسات تۇتقان ءبىز تاياۋدا زاۋىتتا بولىپ قايتتىق. زاۋىتتىڭ قۇرىلىسى اياقتالۋعا جاقىن ەكەن. توبەسىنىڭ شاتىرى جابىلىپ, جىلۋ تراسساسى دا تارتىلعان. كاسىپورىن ديرەكتورى ساليح كارىم ۇلىنىڭ ايتۋىنشا, مۇندا قۇرال-جابدىقتاردى ورناتۋ ءۇشىن تۇعىر قۇيىلىپ جاتىر. تسەمەنت بالقاشتان, مەتالل قاراعاندىدان, پاۆلوداردان تاسىمالدانادى. قاجەتتى قۇرال-جابدىقتار قىتايدان جەتكىزىلۋى ءتيىس.
ديرەكتوردىڭ ايتۋىنا قاراعاندا, قۇرىلىستا100-گە جۋىق ادام ەڭبەك ەتەدى. جۇمىسكەرلەردىڭ جالاقىسى 60-120 مىڭ تەڭگە ارالىعىندا. جۇمىسقا كۇنىنە ءتورت رەت ارنايى اۆتوبۋس قاتىنايدى. سوڭعى اۆتوبۋس ساعات 21.00-دە جۇرەدى.
جايىلعان رامازانوۆتىڭ زاۋىتتا شەبەر بولىپ جۇمىس ىستەپ جۇرگەنىنە ءتورت جىلدان اسىپتى. بىلىكتى ماماندى جاستارمەن تاجىريبەسىن ءبولىسۋ ءۇشىن قۇرىلىسقا اۋىستىرعان كورىنەدى.
ەرىتىندىنى كۇرەكپەن ارالاستىرىپ تۇرعان جاس جىگىتتەر ماقسات بەكمۇراتوۆ, رينات سادۋاقاسوۆ, ساكەن بەكساۋىتوۆتىڭ جۇزدەرىنەن شارشاپ-شالدىعۋ بايقالمايدى. «جاس كەلسە – ىسكە» دەگەندەي, ەڭبەك كورىگىن قىزدىرۋدا.
جالپى, زاۋىت كەلەر جىلدىڭ شىلدەسىندە ىسكە قوسىلادى, ال 2015 جىلى تولىق جوبالىق قۋاتىنا ەنگەندە جىلىنا 30 ملن. دانا كىرپىش وندىرمەك. سونىمەن بىرگە, جاڭا نىساننىڭ قۇرىلىسىنا 80 ادام قامتىلىپ, كەيىن مۇندا 100 ادام تۇراقتى جۇمىس تابادى.
داريا ەرتايقىزى.
ەكىباستۇز.