نۇر-سۇلتاندا ۆاكتسيناتسيالانعان جاستار اراسىندا 1,5 ملن تەڭگە ويناتىلادى. ەلوردالىق «استانا جاستارى» رەسۋرستىق ورتالىعى حالىقارالىق جاستار كۇنى قارساڭىندا «Stop COVID-19» ۇزدىك بەينە-challenge بايقاۋىن ۇيىمداستىرادى, دەپ حابارلايدى Egemen.kz نۇر-سۇلتان قالاسى اكىمدىگىنىڭ رەسمي سايتىنا سىلتەمە جاساپ.
بايقاۋ ۆاكتسيناتسيا ارقىلى ستۋدەنتتەر اراسىندا COVID-19 تارالۋىنا قارسى كۇرەس, سونداي-اق جاستار اراسىندا شىعارماشىلىق كلاستەردى قولداۋ ماقساتىندا وتكىزىلەدى. بايقاۋ جەڭىمپازى ء«ىدىرىس ورىنباسار اتىنداعى قايىرىمدىلىق قورىنان» 1 ميلليون تەڭگە الادى. ەكىنشى ورىنعا – 300 مىڭ تەڭگە, ءۇشىنشى ورىنعا – 200 مىڭ تەڭگە. سونداي-اق, بايقاۋعا قاتىسۋشىلار ءۇشىن «ارەنا fitness», «Winox» فيتنەس-زالدارىنىڭ جەلىلەرىنەن جانە «حلەبنىي كراي» كومپانياسىنان ىنتالاندىرۋ سىيلىقتارى قاراستىرىلعان.
بايقاۋ وسى جىلدىڭ 5 تامىزى مەن 5 قازان ارالىعىندا وتەدى. وعان ەلوردانىڭ ورتا ارناۋلى (كوللەدجدەر) جانە جوعارى وقۋ ورىندارىنىڭ كامەلەتكە تولعان ستۋدەنتتەرى قاتىسا الادى.
«شارتتار وتە قاراپايىم: نيەت بىلدىرگەن قاتىسۋشىلار 5 تامىزدان 5 قىركۇيەككە دەيىن Google Forms ارقىلى Instagram جەلىسىندە @astana_jastary ءپروفيلىنىڭ تاقىرىپشاسىنا قاتىسۋعا ءوتىنىم جىبەرۋى قاجەت. سودان كەيىن قاتىسۋشى نۇر-سۇلتان قالاسىنداعى كەز كەلگەن ۆاكتسيناتسيا پۋنكتىندە 5 تامىز بەن 5 قازان ارالىعىندا ەكپە الۋى ءتيىس. ارى قاراي, ۆاكتسيناتسيا ورنىنان شىعارماشىلىق بەينە-challenge ءتۇسىرىپ, ونى Instagram جانە Tiktok-تا تاراتۋى كەرەك. جاريالانىمداردىڭ استىندا حەشتەگتەردى كورسەتۋدى ۇمىتپاڭىز: #stopCovid #مولودەجزاۆاكتسيناتسيۋ #nsjastary #astanajastary جانە چەللەندجگە تارتىلعان قاتىسۋشىلاردىڭ سانىن باقىلاۋ ءۇشىن جەكەلەگەن ءبىر حەشتەگ ويلاپ تابۋ قاجەت. بايقاۋ سوڭىندا ىزىنەن ەرگەن ادامى كوپ بەينەروليك اۆتورى ء(بىرىنشى, ەكىنشى, ءۇشىن ورىن) اقشالاي سىيلىق الادى.