ەلباسى نۇرسۇلتان نازارباەۆتىڭ قازاقستان حالقىنا بيىلعى كەزەكتى جولداۋى تۋرالى الدىمەن عالامتوردان قاراپ شىقتىم. ويتكەنى, جىل سايىن جولداۋدى كۇتىپ جۇرەمىز. ەلىمىزدىڭ ەكونوميكالىق, ىشكى-سىرتقى ساياساتىندا قانداي باعىت-باعدار ايتىلعانىن بىلگىمىز كەلەدى. ەلباسىمىز بيىلعى جولداۋىندا ەلىمىز ءۇشىن ستراتەگيالىق باسىمدىقتارعا ماڭىز بەرىپتى. جوسپارلاۋ تۋرالى ايتىلعانى دا مەنىڭ كوڭىلىمە قوندى. نۇرسۇلتان ءابىش ۇلىنىڭ جىل سايىنعى جولداۋىنىڭ ارقايسىسى ەلىمىز دامۋىنىڭ جوسپارى سەكىلدى. ول سولاي بولدى دا. العاشقى جولداۋلارىندا ايتىلعان ماسەلەلەردىڭ بۇگىنگى كۇنى جۇزەگە اسقانى بارىمىزگە ايان. ەلىمىز اينالاسى 15-20 جىلدىڭ ىشىندە قانشالىقتى دامىعانىنا الەم كۋا بولىپ وتىر, وعان ءتۇرلى سالاداعى جاڭالىقتار, جاڭا كاسىپورىندار, يننوۆاتسيالىق تەحنولوگيالاردىڭ كەلۋى, ەلىمىز تۇرعىندارىنىڭ تۇرمىس دەڭگەيىنىڭ كوتەرىلۋى كەپىل بولار ەدى.
ەلباسى نۇرسۇلتان نازارباەۆتىڭ قازاقستان حالقىنا بيىلعى كەزەكتى جولداۋى تۋرالى الدىمەن عالامتوردان قاراپ شىقتىم. ويتكەنى, جىل سايىن جولداۋدى كۇتىپ جۇرەمىز. ەلىمىزدىڭ ەكونوميكالىق, ىشكى-سىرتقى ساياساتىندا قانداي باعىت-باعدار ايتىلعانىن بىلگىمىز كەلەدى. ەلباسىمىز بيىلعى جولداۋىندا ەلىمىز ءۇشىن ستراتەگيالىق باسىمدىقتارعا ماڭىز بەرىپتى. جوسپارلاۋ تۋرالى ايتىلعانى دا مەنىڭ كوڭىلىمە قوندى. نۇرسۇلتان ءابىش ۇلىنىڭ جىل سايىنعى جولداۋىنىڭ ارقايسىسى ەلىمىز دامۋىنىڭ جوسپارى سەكىلدى. ول سولاي بولدى دا. العاشقى جولداۋلارىندا ايتىلعان ماسەلەلەردىڭ بۇگىنگى كۇنى جۇزەگە اسقانى بارىمىزگە ايان. ەلىمىز اينالاسى 15-20 جىلدىڭ ىشىندە قانشالىقتى دامىعانىنا الەم كۋا بولىپ وتىر, وعان ءتۇرلى سالاداعى جاڭالىقتار, جاڭا كاسىپورىندار, يننوۆاتسيالىق تەحنولوگيالاردىڭ كەلۋى, ەلىمىز تۇرعىندارىنىڭ تۇرمىس دەڭگەيىنىڭ كوتەرىلۋى كەپىل بولار ەدى.
ءبىز قوستاناي وبلىسىنىڭ الىستا جاتقان امانگەلدى اۋدانىنداعى ۇرپەك اۋىلىندا تۇرامىز. ەلباسى اۋىل شارۋاشىلىعىن دامىتۋعا كوپ كوڭىل ءبولىپ كەلەدى. سونىڭ ىرىزدىعىن كورىپ وتىرمىز. مال شارۋاشىلىعىن دامىتۋعا كىرىستىك. ول ءۇشىن بولىنگەن سۋبسيديا ۇلكەن كومەك بولىپ وتىر. قازىر اۋليەكول اسىل تۇقىمدى سيىرىنىڭ بۇقالارىن الىپ, مالدى اسىلداندىرۋ جۇمىسىن قولعا الدىق. جولداۋدا شاعىن جانە ورتا بيزنەستى دامىتۋ تۋرالى تاعى دا ايتىلدى. راسىندا, اۋىلدا ادامدارعا تەك شاعىن جانە ورتا بيزنەس جۇمىس بەرەدى. قازاقتا «قولى قيمىلداعاننىڭ اۋزى قيمىلدايدى» دەگەن ءسوز بار عوي. امانگەلدى اۋدانىنىڭ ورتالىعىنان دۇكەن, جيھاز تسەحىن, ناۋبايحانا اشقانبىز. وسىنىڭ بارلىعىندا 42 ادامدى جۇمىسپەن قامتىدىق.
ەگىن مەن مال شارۋاشىلىعىنداعى جۇمىستاردى دا اۋىلداستار اتقارادى. نۇرسۇلتان نازارباەۆ: «شاعىن جانە ورتا بيزنەس – بىزدەگى جالپىعا ورتاق ەڭبەك قوعامىنىڭ بەرىك ەكونوميكالىق نەگىزى. ونى دامىتۋ ءۇشىن جەكەمەنشىك ينستيتۋتىن زاڭنامالىق تۇرعىدا نىعايتاتىن كەشەندى شەشىمدەر قاجەت. بيزنەستى دامىتۋعا كەدەرگى كەلتىرەتىن بارلىق ەنجار قۇقىقتىق نورمالاردىڭ كۇشىن جويۋ كەرەك. شاعىن بيزنەس ۇرپاقتان-ۇرپاققا بەرىلەتىن وتباسى داستۇرىنە اينالۋعا ءتيىس», دەپ اتاپ كورسەتتى. بۇل پىكىر مەنىڭ كوڭىلىمدەگى ويدى ءدوپ باسقانداي بولدى. ەڭبەك ەتكەندى باعالايتىن ادامعا جۇمىس جوق دەگەن سىلتاۋ عانا ەكەنىن ءومىردىڭ ءوزى كورسەتىپ وتىر.
ەلباسى جولداۋدا قازاقستاننىڭ 2050 جىلعا دەيىن دۇنيەجۇزىندەگى ۇزدىك دەگەن 30 ەلدىڭ قاتارىنان كورىنۋىن ماقسات ەتىپ قويدى. مەملەكەت باسشىسى باعىتتاعان جولمەن جۇرسەك, ونىڭ دا الىنبايتىن اسۋ ەمەستىگىن, جەتەتىن مۇرات ەكەنى انىق. جولداۋ الىستاعى اۋىل ادامدارىن دا جاڭا ىسكە سەرپىلتكەندەي بولدى.
تاڭاتار احمەتوۆ,
«نارباي» شارۋا
قوجالىعىنىڭ جەتەكشىسى.
قوستاناي وبلىسى,
امانگەلدى اۋدانى.