قازاقتا «جاقسى ءسوز جارىم ىرىس» دەگەن اتالى ءسوز بار. ەلباسىنىڭ «ۇلتتىق يدەيامىز – ماڭگىلىك ەل!» دەپ ناقتىلاۋى سول دانالىقپەن استاسىپ, وزىندىك ۇيلەسىم تابۋدا. ءاسىلى, ماڭگىلىك ەل بولۋ ءۇشىن ىنتىماعى جاراسىپ, ەكونوميكاسى دامىعان حالقى, تۇراقتى ۇلتتىق تەڭگەسى سىندى قۇندىلىقتارى بار تاۋەلسىز مەملەكەت ورنىعۋى ءتيىس. سوندا سول ەلمەن وركەنيەتتى ەلدەر ساناسادى.
قازاقتا «جاقسى ءسوز جارىم ىرىس» دەگەن اتالى ءسوز بار. ەلباسىنىڭ «ۇلتتىق يدەيامىز – ماڭگىلىك ەل!» دەپ ناقتىلاۋى سول دانالىقپەن استاسىپ, وزىندىك ۇيلەسىم تابۋدا. ءاسىلى, ماڭگىلىك ەل بولۋ ءۇشىن ىنتىماعى جاراسىپ, ەكونوميكاسى دامىعان حالقى, تۇراقتى ۇلتتىق تەڭگەسى سىندى قۇندىلىقتارى بار تاۋەلسىز مەملەكەت ورنىعۋى ءتيىس. سوندا سول ەلمەن وركەنيەتتى ەلدەر ساناسادى.
بۇل بيىككە ءبىز تاۋەلسىزدىگىمىزدى تورتكۇل دۇنيەگە پاش ەتكەلى ەلباسىنىڭ باستاۋىمەن كوتەرىلگەنىمىز ايان. مۇنى «ماڭگىلىك ەل» بولۋ باسپالداعىنا قادام باسۋ دەپ تە تۇسىنگەن ءلازىم.
«قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى ءداستۇرلى جولداۋىنىڭ ۇستانىمى – ەلىمىزدى الەمدەگى دامىعان 30 مەملەكەتتىڭ قاتارىنا قوسۋ, تاۋەلسىزدىگىمىزدى ساقتاي وتىرىپ, «ماڭگىلىك ەل» يدەياسىن باياندى ەتۋ. ەلباسىنىڭ بيىلعى جولداۋىندا ءوندىرىس پەن تۇرمىستا جاڭا تەحنولوگيالار ارقىلى جاپپاي ەلەكتر قۋاتىن بارلىق جەردە ۇنەمدەۋگە قولداۋ كورسەتۋ قاجەت دەپ ناقتىلاندى. راس, تۇتىنۋشىلار سانىنىڭ وسۋىنە بايلانىستى وبلىستا ەلەكتر قۋاتىنىڭ تاپشىلىعى سەزىلۋدە. بۇل ماسەلە 2018 جىلى بالقاش جىلۋ ەلەكتر ستانساسىنىڭ قۇرىلىسى اياقتالعاندا تولىقتاي شەشىلەتىن بولادى. «قولجەتىمدى باسپانا-2020» باعدارلاماسىنىڭ اياسىندا قۇرىلىس مەرزىمدەرىن قىسقارتۋعا, وندىرىستىك شىعىنداردى ازايتۋعا مۇمكىندىك بەرەتىن ءۇي قۇرىلىسى كومبيناتىن ىسكە قوسامىز. 2014 جىلى كومبيناتتىڭ قۇراما-ءمونوليتتى كونسترۋكتسيالارىنان تۇراتىن 5-7 مىڭ شارشى مەتر تۇرعىن ءۇي پايدالانۋعا بەرىلەدى دەپ جوسپارلانۋدا», – دەدى اكتيۆ جيىنىندا الماتى وبلىسىنىڭ اكىمى اڭسار مۇساحانوۆ.
ەلباسى جولداۋدا اگروونەركاسىپ كەشەنىنە جاڭا تەحنولوگيالاردى ەنگىزۋ, ەڭبەك ونىمدىلىگىن ارتتىرۋ جانە ونەركاسىپتى الەمدىك ستاندارتتارعا ساي ۇيىمداستىرۋ جولدارىن بەلگىلەپ بەرگەن ەدى. اگرارلىق-يننوۆاتسيالىق كلاستەردىڭ عىلىمي نەگىزدەلگەن جۇيەسىن ەنگىزۋگە باسا نازار اۋداردى. الماتى وبلىسىنىڭ اگرارلىق سەكتورىنىڭ الەۋەتى زور بولعاندىقتان, توپىراقتىق-كليماتتىق جاعدايى قولايلى, سۋدىڭ مول قورى بار. «اگروبيزنەس-2020» باعدارلاماسىمەن اۋىلشارۋاشىلىعى تاۋار وندىرۋشىلەرىنە ەداۋىر مەملەكەتتىك قولداۋ كورسەتۋ قاراستىرىلعاندىقتان, ەگىستىك كولەمى بىلتىر ارعى جىلمەن سالىستىرعاندا 21 مىڭ گەكتارعا ءوستى, ال 2017 جىلى 920 مىڭ گەكتار جەرگە جەتكىزىلمەك. وسىلاي دەي كەلە, وبلىس باسشىسى جولداۋعا سايكەس وزگە سالالار بويىنشا اتقارىلاتىن جۇمىستاردى تۇجىرىمداپ, ءتيىستى قىزمەتتەرگە ناقتى تاپسىرمالار بەردى.
كەلەسى كەزەكتە, وبلىس ارداگەرلەرى, دارىگەرلەر مەن مۇعالىمدەر, ءوندىرىس ورنى قىزمەتكەرلەرى, بيزنەسمەندەر, جاستار وكىلدەرى مىنبەرگە كوتەرىلىپ, جولداۋدان العان اسەرلەرىن, وزىندىك وي-تۇجىرىمدارىن ورتاعا سالدى. جىلدىڭ باستى قۇجاتىن جان-جاقتى ناسيحاتتاۋعا وي قوسىپ, پىكىر الماسۋعا ارنالعان جيىندى اڭسار مۇساحانوۆ قورىتىندىلادى.
نۇربول الدىباەۆ,
«ەگەمەن قازاقستان».
الماتى وبلىسى.