قازاقستان رەسپۋبليكاسىنىڭ ەڭبەك سىڭىرگەن قايراتكەرى, بەلگىلى قالامگەر, «الاش» ادەبي سىيلىعىنىڭ لاۋرەاتى نەسىپبەك ءداۋتاي ۇلى ومىردەن ءوتتى. بۇل تۋرالى اقىن مارالتاي رايىمبەك ۇلى الەۋمەتتىك جەلىدە جازدى.
نەسىپبەك ءداۋتاي ۇلى - 1947 جىلى 30 اقپاندا جامبىل وبلىسى, قورداي اۋدانى, كيروۆ اتىنداعى كولحوزدا (قازىرگى كەنەن اۋىلى) دۇنيەگە كەلگەن. قازاق مەملەكەتتىك ۋنيۆەرسيتەتىن بىتىرگەن.
1972—1980 جىلدارى اۋداندىق «قورداي» گازەتىندە ءتىلشى, ءبولىم مەڭگەرۋشىسى, جاۋاپتى حاتشى قىزمەتتەرىن اتقاردى. جامبىل وبلىستىق گازەتىندە مەنشىكتى ءتىلشى بولعان. «جامبىل» ادەبي-كوپشىلىك جۋرنالىنىڭ باس رەداكتورى, قازاقستان جازۋشىلار وداعى جامبىل وبلىستىق فيليالىنىڭ ديرەكتورى بولدى.
تاڭداۋلى كوركەم شىعارمالارعا ارنالعان رەسپۋبليكالىق جابىق بايگەلەردىڭ جۇلدەگەرى, ع.ءمۇستافيننىڭ 100 جىلدىعىنا بايلانىستى ۇزدىك اڭگىمەلەرگە ارنالعان ادەبي بايگەنىڭ باس جەڭىمپازى. قر ۇلتتىق كىتاپحاناسى وتكىزگەن «ەڭ ۇزدىك رومان» بايقاۋىندا «قۇدىرەت پەن قاسىرەت» رومانى جۇلدەگە يە بولعان. حالىقارالىق «الاش» ادەبي سىيلىعىنىڭ, «قازاق ادەبيەتى» گازەتىنىڭ پروزا جانرى بويىنشا لاۋرەاتۆى. قازاقستان رەسپۋبليكاسى تاۋەلسىزدىگى جانە استانانىڭ 10 جىلدىعىنا ارنالعان مەدالدارمەن ماراپاتتالعان.