ءورت سالدارىن جويۋعا قاتىستى بىرلەسكەن ءىس-قيمىلدار ۇيلەستىرىلگەن. بارلىق جۇمىستار حالىقتىڭ قاۋىپسىزدىگىن قامتاماسىز ەتۋگە باعىتتالعان. «وڭتۇستىك» وڭىرلىك قولباسشىلىعىنىڭ ينجەنەرلىك اسكەرلەرى وق-دارىلەر قويماسىنىڭ اۋماعىن تازارتۋدا. اسكەري ساپەرلەر تەمىرجول ۋچاسكەسى مەن جاقىن ماڭداعى ەلدىمەكەندەرگە ينجەنەرلىك بارلاۋ جانە تازالاۋ جۇمىستارىن جۇرگىزگەن.
بۇدان سوڭ ۇكىمەتتىك كوميسسيا مۇشەلەرى اسكەري نىساندا بولعان توتەنشە جاعدايعا بايلانىستى قۇرىلعان جەدەل شتابتىڭ كەزەكتى وتىرىسىن وتكىزدى. باسقوسۋ بارىسىندا زالال شىعىندارىن ەسەپتەۋ جانە ءورت پەن جارىلىس سالدارىن جويۋ, زاقىمدالعان ينفراقۇرىلىمدى قالپىنا كەلتىرۋ, سونداي-اق, زارداپ شەككەندەرگە الەۋمەتتىك قولداۋ, مەديتسينالىق كومەك شارالارىن كورسەتۋ بويىنشا ماسەلەلەر قارالدى.
ءبىرىنشى كەزەكتە تۇرعىن ۇيلەر, كاسىپكەرلىك جانە ينفراقۇرىلىمدىق نىساندار قالپىنا كەلتىرىلەدى. وقيعانىڭ سەبەبى جەدەل-تەرگەۋ توبىمەن انىقتالادى. بۇل رەتتە وبلىس اكىمى تۇرعىندار ءۇشىن الاڭداۋعا نەگىز جوق ەكەنىن جەتكىزدى. وبلىس اكىمى وقيعانىڭ زارداپتارىن جويۋ, قالپىنا كەلتىرۋ جۇمىستارى بويىنشا جاۋاپتى تۇلعالارعا ناقتى تاپسىرمالار جۇكتەپ, بۇل ورايدا بارلىق قۇرىلىمداردىڭ ۇيلەسىمدى ارەكەتىنىڭ ماڭىزدىلىعىن باسا ايتتى.
جامبىل وبلىسى