ەلوردا اۋماعىندا «قۇقىقتىق ءتارتىپ» جەدەل الدىن الۋ ءىس-شاراسى وتۋدە. ونىڭ ماقساتى - كوشەلەر مەن قوعامدىق ورىنداردا قۇقىق بۇزۋشىلىقتار مەن قىلمىستاردىڭ الدىن الۋ مەن جولىن كەسۋ, دەپ حابارلايدى Egemen.kz.
26 تامىزدا يمانوۆ كوشەسىندە بۇرىن سوتتالعان 42 جاستاعى استانالىق تۇرعىن ۇستالدى.
«جەكە ءتىنتۋ بارىسىندا ۇستالعان ازاماتتىڭ ۇيىندە سالماعى شامامەن 151 گر بولاتىن ولشەپ ورالعان «گاشيش» تابىلدى. ول ونى ەلوردا اۋماعىندا ساتپاق بولعان», دەپ حابارلادى پوليتسيادان.
اتالعان فاكتى بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى. قازىرگى كەزدە تەرگەۋ امالدارى جۇرگىزىلىپ جاتىر.
«قۇقىقتىق ءتارتىپ» جەدەل الدىن الۋ شاراسى باستالعاننان بەرى 131 قىلمىس تىركەلدى, ونىڭ 98-ءى اشىلدى. سونداي-اق, بۇرىن جاسالعان 70 قۇقىق بۇزۋشىلىق اشىلىپ, ىزدەۋدە جۇرگەن 18 قىلمىسكەر ۇستالدى. 3000-عا جۋىق تۇرعىن الاپتارىن ارالاۋ جۇرگىزىلدى, ىشكى ىستەر ورگاندارىندا پروفيلاكتيكالىق ەسەپتە تۇرعان 3452 ەسەپكە الىنعان تۇلعالار تەكسەرىلدى.