الماتى قالاسىنىڭ باس سانيتارلىق دارىگەرى جانداربەك بەكشيننىڭ قاۋلىسىنىڭ نەگىزىندە, ءبىلىم بەرۋ مەكەمەلەرىندە كوروناۆيرۋستىق ينفەكتسيانىڭ تارالۋىنىڭ الدىن الۋ شارالارى قالاي جۇرگىزىلەتىنى انىقتالدى, دەپ حابارلايدى Egemen.kz.
قۇجاتقا سايكەس 2021-2022 وقۋ جىلىندا بارلىق مەنشىك نىسانىنداعى جانە ۆەدومستۆولىق باعىنىستاعى ءبىلىم بەرۋ ۇيىمدارىندا كەلەسى جاعدايلاردا شتاتتىق فورماتتا وقىتۋدى قامتاماسىز ەتۋ قاجەت:
پەداگوگتەر مەن پەرسونالدى 100% ۆاكتسيناتسيالاۋ (ساۋىققاننان كەيىن 3 اي ىشىندە سovid-19-بەن اۋىرعان تۇراقتى مەديتسينالىق قارسى كورسەتىلىمدەرى بار ادامداردى; ۇيىمعا كىرۋ كەزىندە «Ashyq» قوسىمشاسىن ەنگىزۋ (پەداگوگتاردى, پەرسونالدى, اتا-انالاردى (زاڭدى وكىلدەردى), 18 جانە ودان جوعارى جاستاعى ءبىلىم الۋشىلاردى QR-كود (check-ءىn) بويىنشا تىركەۋ); بەتپەردە رەجيمىن ساقتاۋ; رەتسيركۋلياتورلاردى, سانيتايزەرلەردى, تەرى انتيسەپتيكتەرىن, دەزينفەكتسيالاۋ جانە جۋ قۇرالدارىن جەتكىلىكتى سانىمەن قامتاماسىز ەتۋ; ءۇي-جايلاردى جيناۋ جانە دەزينفەكتسيالاۋ جيىلىگىن ارتتىرۋ; ءۇي-جايلاردى ىلعالدى جيناۋ جانە دەزينفەكتسيالاۋ جۇرگىزۋگە, ءۇي-جايلاردىڭ اۋاسىن جەلدەتۋ جانە زارارسىزداندىرۋ رەجيمىنە قويىلاتىن تالاپتاردى ساقتاۋ; بۇقارالىق ءىس-شارالاردى (مادەني, تاربيە, سىنىپتان تىس جانە اتا-انالار جينالىستارىن جانە ت.ب.) وتكىزۋگە تىيىم سالۋ; مەكتەپكە دەيىنگى جانە ورتا ءبىلىم بەرۋ ۇيىمدارىندا توپتار مەن سىنىپتاردى بىرىكتىرە وتىرىپ ءىس-شارالار وتكىزۋگە تىيىم سالۋ; زەرتحانالىق, پراكتيكالىق ساباقتاردى قوسپاعاندا, وقىتۋدىڭ كابينەتتىك جۇيەسىن جويۋ; اسحاناداعى اۋا رەتسيركۋلياتورلارىنىڭ قوندىرعىلارىن قامتاماسىز ەتە وتىرىپ, تاماقتانۋدى ۇيىمداستىرۋدى باقىلاۋدى كۇشەيتۋ.