حرومتاۋ اۋدانىنىڭ قوپا اۋىلىندا ەلىمىزدەگى ەڭ ءىرى مال شارۋاشىلىعى كەشەنى – جوبالىق قۋاتتىلىعى 6 500 اسىل تۇقىمدى ءىرى قارا ۇستالاتىن رەپرودۋكتور فەرما پايدالانۋعا بەرىلدى. ەت ەكسپورتىنىڭ الەۋەتىن ارتتىراتىن بىرەگەي بۇل جوبانى «قازاگروقارجى» اكتسيونەرلىك قوعامى قارجىلاندىردى, «مولوچنىە يستوري» جاۋاپكەرشىلىگى شەكتەۋلى سەرىكتەستىگى جۇزەگە اسىردى. كەشەندى سالۋعا 1,5 ملرد. تەڭگە جۇمسالعان. فەرما كەشەنىندە مال باعۋعا ارنالعان بىرنەشە قورالار, سيىر بۇزاۋلايتىن, ءتول كۇتەتىن ورىندار بار. نەگىزىنەن مال اشىق اۋلادا ۇستالادى, قاتتى اياز, وكپەك جەل بولعاندا عانا كىرەدى قورالارعا. سۋ قۇبىرمەن كەلىپ تۇر. مۇنىمەن بىرگە, اكىمشىلىك-شارۋاشىلىق كورپۋسى, مالشىلار تۇراتىن ۇيلەر سالىنىپ, جەكە سۋ تارتقىش جانە ەلەكتر جابدىقتارىمەن قامتاماسىز ەتىلگەن. شارۋاشىلىقتىڭ جايىلىمىمەن العانداعى جالپى اۋدانى 34 مىڭ گەكتاردى قۇرايدى. بۇگىنگى كۇنى شارۋاشىلىق كەشەنىندە 2 500 شەتەلدەن اكەلىنگەن ابەردين-انگۋس اسىل تۇقىمدى ءىرى قارا مالى تۇر.
حرومتاۋ اۋدانىنىڭ قوپا اۋىلىندا ەلىمىزدەگى ەڭ ءىرى مال شارۋاشىلىعى كەشەنى – جوبالىق قۋاتتىلىعى 6 500 اسىل تۇقىمدى ءىرى قارا ۇستالاتىن رەپرودۋكتور فەرما پايدالانۋعا بەرىلدى. ەت ەكسپورتىنىڭ الەۋەتىن ارتتىراتىن بىرەگەي بۇل جوبانى «قازاگروقارجى» اكتسيونەرلىك قوعامى قارجىلاندىردى, «مولوچنىە يستوري» جاۋاپكەرشىلىگى شەكتەۋلى سەرىكتەستىگى جۇزەگە اسىردى. كەشەندى سالۋعا 1,5 ملرد. تەڭگە جۇمسالعان. فەرما كەشەنىندە مال باعۋعا ارنالعان بىرنەشە قورالار, سيىر بۇزاۋلايتىن, ءتول كۇتەتىن ورىندار بار. نەگىزىنەن مال اشىق اۋلادا ۇستالادى, قاتتى اياز, وكپەك جەل بولعاندا عانا كىرەدى قورالارعا. سۋ قۇبىرمەن كەلىپ تۇر. مۇنىمەن بىرگە, اكىمشىلىك-شارۋاشىلىق كورپۋسى, مالشىلار تۇراتىن ۇيلەر سالىنىپ, جەكە سۋ تارتقىش جانە ەلەكتر جابدىقتارىمەن قامتاماسىز ەتىلگەن. شارۋاشىلىقتىڭ جايىلىمىمەن العانداعى جالپى اۋدانى 34 مىڭ گەكتاردى قۇرايدى. بۇگىنگى كۇنى شارۋاشىلىق كەشەنىندە 2 500 شەتەلدەن اكەلىنگەن ابەردين-انگۋس اسىل تۇقىمدى ءىرى قارا مالى تۇر.
اۋىلدىڭ ىرگەسىنە, وقشاۋ جەرگە ورنالاسقان شارۋاشىلىق كەشەنى سىرتىنان قاراعاندا شاعىن قالاشىق سياقتى. ۇلكەن مال شارۋاشىلىعى ءوندىرىسى بولعاندىقتان كەشەنگە كىرىپ-شىعۋعا ارنايى رۇقسات كەرەك, مالدارىگەرلىك تالاپتاردى قاتاڭ ساقتاۋعا نازار اۋدارىلعان.
«مولوچنىە يستوري» جاۋاپكەرشىلىگى شەكتەۋلى سەرىكتەستىگىنىڭ قۇرىلتايشىسى «اكتەپ» جشس-ءنىڭ باس ديرەكتورى نۇرلان ساعىنالين مال شارۋاشىلىعى كەشەنىنىڭ جاعدايىمەن قىسقاشا تانىستىرىپ ءوتتى. بۇل كەشەندە ەتتىك باعىتتاعى مال باعىلاتىن بولادى. ازىرگە كەشەننىڭ 3200 ءىرى قاراعا ارنالعان ءبىرىنشى كەزەگى اشىلىپ وتىر ەكەن. مۇندا العاشقى مال وتكەن جازدا امەريكادان اكەلىنگەن. قالعان 4 مىڭ اسىل تۇقىمدى ءىرى قارا الداعى كوكتەمدە اۆستراليادان جەتكىزىلمەك. وسى جەردە جىلىنا 5 مىڭ اسىل تۇقىمدى بۇزاۋ الىنىپ, وبلىسقا تاراتىلاتىن بولادى. تايوگىز بورداقىلانىپ ەتكە وتكىزىلمەك, ۇرعاشى بۇزاۋ شارۋا قوجالىقتارىنا ساتىلادى. سول ارقىلى وڭىردەگى ءىرى قارانىڭ ساپالىق قۇرامى جاقسارىپ, ونىمدىلىگىن ارتتىرۋ كوزدەلۋدە. وبلىستىق اكىمدىك كەشەنگە جايىلىمدىق جەر بولگەن. الايدا, ول جەرلەردە سۋ كوزى جوق ەكەن. «قازاگروقارجى» اكتسيونەرلىك قوعامىنىڭ قارجىلاندىرۋىمەن بۇل ماسەلە دە شەشىلىپ, جەلدىڭ كۇشىن پايدالاناتىن سۋتارتقىشتار ورناتىلماق. سۋ الاتىن 24 ۇڭعىنى بۇرعىلاۋ جاقىندا باستالماق. جايىلىمدا دا سۋ ماسەلەسى تولىق شەشىلەدى. بۇل كەشەن ەت كلاستەرىن قۇرايدى. وعان قۇراما جەم زاۋىتى, ەت كومبيناتى, بورداقىلاۋ كەشەنى جانە وسى رەپرودۋكتور كىرەدى. ەت كومبيناتى بيىلعى جىلى سالىنادى دەپ كۇتىلۋدە. مال بورداقىلاۋ كەشەنى قازىردىڭ وزىندە جۇمىس ىستەپ تۇر.
وسى فەرمادا 70-تەن استام ادام ەڭبەك ەتەدى. بۇل جۇمىسشىلار نەگىزىنەن فەرماعا جاقىن ورنالاسقان قوپا اۋىلىنىڭ تۇرعىندارى. بۇعان دەيىن ەكى قولعا ءبىر كۇرەك تابا الماعان اۋىلدىقتاردىڭ كوڭىلى كوتەرىڭكى. اتاكاسىپتەرىنە قايتا ورالعان اۋىلدىقتار فەرمانىڭ بولاشاعىنان كوپ ءۇمىت كۇتەدى. قۇرىلتايشىلاردىڭ جۇمىسشىلارعا ەڭبەك ەتۋگە جاساعان جاعدايىن, ساتىپ الىنعان سۋ جاڭا تەحنيكالاردى كورىپ, بۇل فەرمانىڭ جۇمىسى تابىستى بولاتىنىنا سەنىمدى بولا تۇسەسىڭ. جۇمىسشىلار ءۇشىن اسحانا دا جۇمىس ىستەيدى. دەمالاتىن ورىن دا بار.
ەلباسىنىڭ تاپسىرماسىنىڭ ءبىرى – ءىرى قارا مال ەتىنىڭ ەكسپورتتىق الەۋەتىن دامىتۋ ماقساتىندا, ءىرى قارا مالىنىڭ ەت كلاستەرىن قۇرۋ بويىنشا وسى رەپرودۋكتور فەرما جوباسىنىڭ قۇرىلتايشىسى العا اۋدانىنداعى «اكتەپ» جاۋاپكەرشىلىگى شەكتەۋلى سەرىكتەستىگى نەگىزىندە ينۆەستيتسيالىق جوبانىڭ ءبىرىنشى كەزەڭى ىسكە اسىرىلۋدا. بۇل اتالعان جوبا وبلىس حالقىن ءىرى قارا مال ەتىمەن قامتاماسىز ەتۋگە, ەت ءونىمىنىڭ ەكسپورتتىق الەۋەتىن ارتتىرۋعا جانە اۋماقتى جوعارى ءونىم بەرەتىن اسىل تۇقىمدى ءىرى قارا مالىمەن قامتاماسىز ەتۋگە باعىتتالعان. بۇل جەردە قازاقتىڭ اقباس, اۋليەكول سىندى جەرگىلىكتى مال تۇقىمدارىن وسىرۋگە دە ەرەكشە كوڭىل بولىنۋدە, 10 مىڭ ءىرى قارانى بورداقىلاۋعا ارنالعان الاڭنىڭ قۇرىلىسى اياقتالدى. مۇندا قازىردىڭ وزىندە مال بورداقىلانۋدا. قۋاتتىلىعى 20 مىڭ توننا قۇرايتىن قۇراما جەم زاۋىتى سالىندى. ەندى «مولوچنىە يستوري» جشس-ءنىڭ رەپرودۋكتور فەرماسى تولىق قۋاتىنا شىققاندا مال بورداقىلاۋ الاڭىندا دا جۇمىس كولەمى ارتا تۇسپەك.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.