اقسۋ قالاسىنىڭ العاباس اۋىلىنىڭ تۇسىنداعى جول بۇرىلىسى ارقىلى اقتوعاي, ەرتىس اۋداندارىنا بارا الاسىز. بۇرىلىس بالەنباي جىلدان بەرى وي-شۇڭقىردان كوز اشپاي تۇر. جولساپارعا شىققاندا كوزىمىز كورىپ ءجۇر. العاباس اۋىلىمەن قاتار كورشى اۋىلدىڭ اكىمى جەڭىس ابىكەننىڭ ايتۋىنشا, بۇرىلىس ءتىپتى دە جەرگىلىكتى اكىمدىكتەردىڭ قۇزىرىندا ەمەس. بۇرىلىس ەكىباستۇزعا, باياناۋىلعا, استاناعا باراتىن جول وتەتىن اينالما كوپىرگە تاياۋ جەردە. جارقىراعان جارىق شامدارى جوق كوپىر تۇندە كورىنبەيدى.
اقسۋ قالاسىنىڭ العاباس اۋىلىنىڭ تۇسىنداعى جول بۇرىلىسى ارقىلى اقتوعاي, ەرتىس اۋداندارىنا بارا الاسىز. بۇرىلىس بالەنباي جىلدان بەرى وي-شۇڭقىردان كوز اشپاي تۇر. جولساپارعا شىققاندا كوزىمىز كورىپ ءجۇر. العاباس اۋىلىمەن قاتار كورشى اۋىلدىڭ اكىمى جەڭىس ابىكەننىڭ ايتۋىنشا, بۇرىلىس ءتىپتى دە جەرگىلىكتى اكىمدىكتەردىڭ قۇزىرىندا ەمەس. بۇرىلىس ەكىباستۇزعا, باياناۋىلعا, استاناعا باراتىن جول وتەتىن اينالما كوپىرگە تاياۋ جەردە. جارقىراعان جارىق شامدارى جوق كوپىر تۇندە كورىنبەيدى. كوپىردىڭ ءار جاققا قاراي جولدار وتەتىن اينالاسىنا كۇردەلى جوندەۋدىڭ جىلدار بويى جاسالماعانى كورىنىپ تۇر. وتكەن جىلى باستالعان پاۆلودار – استانا جولىنىڭ قۇرىلىسى ءدال وسى اۋىلدىڭ تۇسىنان وتەدى. قۇرىلىس جۇمىستارىن جۇرگىزۋگە قارجى جوق پا, جولدىڭ ەكىنشى باعىتى جابىق. ال, اكىمدەرى بار, باسقارما باسشىلارى بار ءالى كۇنگە دەيىن اۋىلدارعا الىپ باراتىن بۇل بۇرىلىستى «سەن جوندە, مەن جوندەمەن» ءبىر-بىرىنە سىلتەپ وتىرعان سياقتى. اۋىلداعى ۇلكەن-كىشى, كارى-جاستىڭ, بالا-شاعانىڭ اماندىعى – اكىمدەردىڭ مىندەتى. مىڭ شۇڭقىرلى بۇرىلىسپەن اۋىلدارعا اۆتوبۋستار, جەكەمەنشىك تاكسيلەر جۇرەتىنىن ەسكەرۋ كەرەك. قازىر ەكى كۇننىڭ بىرىندە جول-كولىك وقيعالارى بولىپ جاتادى. جامان ايتپاي جاقسى جوق. سوندىقتان, العاباس اۋىلىنىڭ جانىنداعى قاۋىپتى بۇرىلىسقا شۇعىل جوندەۋ قاجەت. جولدىڭ بۇرىلىسى ەكى اۋدان مەن اقسۋ قالاسىنا ورتاق. ءبىز حابارلاسقان قانات قاشقيروۆ باسقاراتىن وبلىستىق جولاۋشىلار كولىگى جانە اۆتوموبيل جولدارى باسقارماسى «بۇل بۇرىلىس ءبىزدىڭ جول ەمەس, وبلىستىق ماڭىزى بار جولدار قاتارىندا جوق», دەپ شىقتى. جارايدى دەلىك, وي-شۇڭقىرلى بۇرىلىس پەن الىپ كوپىر ەرسىن ساريەۆ باسقاراتىن ەلىمىزدىڭ «قازاۆتوجول» اق وبلىستىق فيليالىنا قارايتىنىن بىلدىك. ولاي بولسا, جىلدار بويى كۇردەلى جوندەۋ جۇرگىزبەي «قازاۆتوجول» اق قايدا قاراپ وتىر؟..
فاريدا بىقاي,
«ەگەمەن قازاقستان».
پاۆلودار وبلىسى.